„Како во бајките“ – Луѓето со позитивни коментари за новогодишната магија во Крива Паланка (фото)

Детали

среда, 14 декември 2022

„Прекрасно“, „Колку е убаво, мојот роден град е најубав на свет“, „Убавина и рај за очи и душа, дури и за нас кои не сме во Паланка, но верувам дека е уште поголема радост за децата и сите жители таму“ се само дел од пофалните зборови за празнично украсената Крива Паланка.

Деновиве вирално се споделуваат фотографиите од новогодишно украсената Крива Паланка.

Градот блесна во полн сјај, а одговорните објавија фотографии на Фејсбук профилот на Општина Крива Паланка.

Во описот на објавата стои:

„Блескава новогодишна атмосфера го осветли градот, за нови насмевки, радост и незаборавни моменти во пресрет на највеселите празнични денови што претстојат.

Нека сјајот во детските очи и убавата енергија во мислите на граѓаните бидат единствена слика на нашата убава Крива Паланка.“

И навистина е така! Деновиве Крива Паланка е поубава од кога било, а жителите, но и луѓето од цела Македонија се воодушевени.

По социјалните мрежи се шират низа позитивни коментари.

Дел од реакциите под фотографиите од Крива Паланка се:

„Убавина и рај за очи и душа, дури и за нас кои не сме во Паланка, но верувам дека е уште поголема радост за децата и сите жители таму.“

„Прекрасно!“

„Браво, секоја чест!“

„Најубав град...“

„Како во бајките.“

„Колку е убаво, мојот роден град е најубав на свет.“

Би сакале да видиме и другите градови како блескаат со празнична магија, зарем не?

С. С. | Црнобело