„Неверојатна изведба во живо“ – Нашата евровизиска претставничка ги воодушеви присутните во Израел (фото+видео)
- Детали
- петок, 08 април 2022
„Навистина ми беше чест што ја имав можноста да те следам во живо, го имаш мојот глас и моето срце“ - велат дел од присутните што имаа можност да ја слушнат Андреа Коевска на настапот во Израел, каде повеќе евровизиски претставници се собраа за да ги промовираат своите песни.
Евровизија 2022 е речиси на прагот. Пред конечниот настап во Торино, повеќе евровизиски претставници се собраа во Израел во Арената Менора Мистичим, каде во рамки на концертот Israel Calling 2022 ги промовираа претставничките песни.
Меѓу 24-те претставници беше и нашата Андреа Коевска која имаше моќна изведба на песната Circles пред преполната сала во Тел Авив.
Голем број од присутните во арената упатија позитивни критики и коментари на нејзиниот Инстаграм профил каде таа објави повеќе фотографии од гостувањето во Израел.
„Беше толку добро синоќа, што навистина ми беше чест што ја имав можноста да те следам во живо. Го имаш мојот глас и моето срце. Многу љубов од Израел“.
„Твојата изведба во живо е неверојатна, уште еднаш беше неверојатна“.
„Беше фантастична“.
„Оваа песна заслужува да влезе во финале...“
Ова се само некои од позитивните коментари што Андреа ги доби на социјалните мрежи и под видеото од изведбата објавено на YouTube.
Инаку, годинава Евровизија ќе се одржи од 10-ти до 14-ти мај во Торино. Андреа ќе настапи 11-та по ред во втората полуфинална вечер, што ќе се одржи на 12-ти мај.
Погледнете како звучеше Circles во изведба на Андреа во Израел:
Погледнете повеќе фотографии од гостувањето на Андреа во Израел:
Б. С. Б. | Црнобело
Би можело да ве интересира:
Препорачуваме
Најчитани неделава
