Состојба до 19.05.2020: Направени се 533 тестови - 22 се новозаболени, 50 оздравени пациенти

Детали

вторник, 19 мај 2020

Каква е последната статистика и ситуацијата со ковид-19 во земјава?

Денеска Институтот за јавно здравје регистрира 50 оздравени пациенти.

- Скопје 16
- Куманово 10
- Прилеп 6
- Тетово 15
- Велес 1
- Крива Паланка 1
- Валандово 1

Во изминатите 24 часа направени се 533 тестирања, а регистрирани се 22 нови случаи на ковид-19 и тоа во: Скопје-8, Штип-2, Прилеп-2, Тетово-3, Струга-1, Велес-4, Свети Николе-1 и Гостивар-1. Досега во земјата се направени вкупно 22255 тестирања на ковид -19.

Од вкупниот број направени тестови во изминатото деноноќие 203 теста се во рамките на скринингот во градинки во Велес и Скопје и сите се негативни. Од досега направените 908 тестирања на вработените во градинките во Битола, Скопје и Велес потврден е само еден позитивен случај на ковид-19 во Битола.

Во ГОБ „8 септември“ почина пациент од Скопје (78г) примен на 7 мај и пациент од Тетово (77г), на болничко лекување од 14 мај.

Вкупната бројка на ковид дијагностицирани во нашата земја од почетокот на епидемијата изнесува 1839, бројката на оздравени пациенти е 1351, на починати е 106, а во моментов бројот на активни случаи во земјата изнесува 382.