Avon Фондацијата за жени донира 7.000$ на кризниот центар „Надеж“ за поддршка на СОС линијата и згрижувачкиот центар

Детали

петок, 08 мај 2020

На светко ниво, поддршката на Фондацијата за жени изнесува 1 милион долари, наменета за непречена работа на центрите за борба против семејно насилство

5 мај, 2020год. - АVON Фондацијата за жени ја објавува финансиската поддршка од 1 милион долари распределена во грантови наменети за 50 центри и хуманитарни организации ширум светот. Грант-програмата за итна поддршка е лансирана истовремено со кампањата на AVON #ИзолиранаНоНеСама (#IsolatedNotAlone), како одговор на порастот на бројот на случаи на семејно насилство за време на изолацијата и физичката дистанца поради корона вирусот.

Финансиската поддршка ќе обезбеди неопходна помош за над 250.000 жени и деца кои се под директен ризик или веќе трпат семејно насилство. Грантовите се распределени во 37 земји од Европа и Латинска Америка.

Донацијата од 1 милион долари е во линија со кампањата за свесност на AVON со која се крева гласот против зголеменото насилство како резултат на изолираноста поради пандемијата со Covid-19.

Во Македонија, AVON Фондацијата за жени донира 7.000$ на Кризниот центар “Надеж”, за поддршка на СОС линијата за жртви на семејно насилство, како и за обезбедување на соодветни услови во нивниот згрижувачки центар. Маја Дилберова, Претстедател на Кризниот центар “Надеж” изјави:

“Нашиот кризен центар е исклучително благодарен на AVON за повеќегодишната поддршка. Нивната донација ќе ги унапреди нашите услуги и помош; ќе помогне да ги држиме нашите врати отворени, истовремено овозможувајќи дополнителна поддршка за нашиот стручен тим кој ја води националната линија за помош и поддршка 15315, во исклучително специфични и отежнати услови. За време на овој период на физичка дистанца и зголемена изолација, сакам жените да знаат дека не се сами.”

Во партнерство со сестринскките брендови Aesop, The Body Shop и Natura, AVON ги повикува владите во светот постојано да го имаат во вид проблемот со семејното насилство и да го зајакнат финансирањето и и ресурсите за справување со зголемената статистика на насилство. Компаниите го искористуваат својот глас за да допрат глобално до 200 милиони корисници во 110 земји и да ги повикаат луѓето да ја поддржат кампањата.

Натали Дикон, Претседател на AVON Фондацијата за жени, изјави:

“Над 130 години, AVON ги поддржува жените и нашата поддршка сега е потребна повеќе од кога и да е. Со последната донација од AVON Фондацијата, ние можеме да направиме видлива разлика во животите на жените и децата - жртви на семејно насилство ширум светот, на кои им е итно потребна помош и заштита.
Веќе 15 години, AVON ги поддржува организациите кои се борат против семејно насилство и потребата од поддршка не била никогаш попотребна. Горди сме што можебе да придонесеме и да ја поддржиме кампањата на AVON, #ИзолиранаНоНеСама за да одговориме на порастот на насилството предизвикан од пандемијата со корона вирусот.”

Глобално, 5 милиони Претставници на AVON ќе продолжат да пружаат витална помош за жени и деца кои се предмет на насилство, преку споделување на информациите и местата каде да се најде поддршка и помош, како и преку донација на неопходни производи за лична хигиена.

Во пошироки рамки, AVON ги прилагоди своите капацитети за производство на продукти за лична хигиена кои се најпотребни за здравствените работници, но и за сите останати работници на витални позиции. Стотици илјади пакети со производи за лична хигиена беа донирани на локалните болници и челните служби за помош во светот.

Во Македонија, на крајаот на месец март, AVON донираше 400 литри производи за лична хигиена на Клиниката за Инфективни заболувања во Скопје.