Состојба до 17.04.2020: Потврдени се нови 36 случаи на заразени и 18 оздравени пациенти

Детали

петок, 17 април 2020

Министерот Филипче ја соопшти најновата состојба на корона вирус во земјава - детален преглед во продолжение...

Во изминатите 24 часа се потврдени 36 нови случаи на Ковид-19.

По градови:
- Скопје-22
- Куманово-4
- Прилеп-3
- Струга-3
- Велес-3
- Битола-1

Со ова вкупната бројка на дијагностицирани пациенти со Ковид-19 во нашата земја изнесува 1117.

Денеска се регистрирани вкупно 18 оздравени пациенти. Од Клиниката за инфективни болести и фебрилни состојби си заминаа 11 пациенти, 2 од болницата во Дебар, а регистрирани се и 5 оздравени пациенти (2 од Кочани и 3 од Скопје) кои се лекуваа во домашни услови, а кои по два контролни теста се негативни на коронавирусот.


На Клиниката за инфективни болести и фебрилни состојби починаа две пациентки од Куманово и Крушево на возраст од 85 и 77 години, а денеска во евиденцијата на ИЈЗ е регистриран и еден починат пациент од Лабуништа (Струга) кој имал хируршка интервенција во болницата Филип Втори, а бил ковид позитивен.
Пациентот починал пред 3 дена, за што неговиот матичен лекар денеска го информирал Институтот за јавно здравје.