Користете ги онлајн услугите да избегнете одење во банка

Детали

четврток, 12 март 2020

Халкбанк ги повикува своите клиенти да ги користат повеќе онлајн услугите наместо класичното одење на шалтер во периодов кога Владата на Република Северна Македонија презема дополнителни мерки за заштита.

За завршување банкарски услуги, без разлика дали се работи за уплата на средства, нивно префрлање на друга сметка, плаќање комунални услуги, кредити, но и аплицирање за кредит или формирање штеден влог, периодов и нема потреба да се оди на шалтер во банка, сето тоа може да се заврши брзо и едноставно од својот дом или канцеларија.

Со оглед на тоа што Халкбанк има еден од најразвиените дигитални системи за банкарство во исто време се штеди време, но и средства бидејќи надоместоците за користење на онлајн услугите се пониски отколку кај традиционалните шалтерски услуги.

Со цел да се избегне физичка посета на банките, секој корисник  на електронското и мобилното банкарство на банката може целосно да менаџира со своите сметки и од дома или од своето работно место да ги изврши сите услуги: проверка на состојбите на сметките, кредитни картички, депозити, кредити, добивање изводи, вршење дневни трансакции, вршење на сите типови плаќања - денарски, девизни како и креирање на шаблони.

Во време на мерки, претпазливост и грижа за најважното – а тоа е здравјето, банкарските услуги на Халкбанк како и сите останати за кои постои можност, правете ги онлајн и безконтактно.

Важни се луѓето, а за нив најважно е здравјето.