Job Fair - Чекор поблиску до твојата кариера

Детали

четврток, 18 април 2019

Бордот на Европски Студенти по Технологија (БЕСТ) – Скопје со особена чест Ви го најавува петнаесеттиот по ред Саем за вработување и кариера - Job Fair 2019, кој ќе се одржува на 6, 8, 9 и 10 мај.

Ни претставува големо задоволство да Ве поканиме да ни се придружите на нашето јубилејно издание на овој настан и неговото традиционално одржување во холот на техничките факултети при УКИМ каде што ќе ја имате шансата да ја почуствувате атмосферата на можности и идни остварувања.

Job Fair не само што е најголемиот настан кој БЕСТ Скопје го организира, туку е и местото каде студентите можат да се информираат за сѐ она што го нудат компаниите учеснички, како и за потенцијално работно место или пракса.

Секоја година овој саем им овозможува на амбициозните студенти да се поврзат со  компании од техничкиот и ИТ секторот.

 Но, успехот на овој настан не завршува тука. Покрај информираноста и вмрежувањто на студентите, Јоb Fair и ден денес е причината за успешни кариери кои започнале со испраќање на CV до нашата база на податоци со која располагаат компаниите учеснички  во текот на целата година.

Што може да очекувате на овогодинешниот Job Fair?

• Да ги сретнете штандовите на компании како: MCA, Allocate Software, Netcetera, Altarо, и многу други.
• Предавања од страна на компаниите, за што се заинтересирани и што точно можат да ви понудат. Дополнително се случуваат soft skills тренинзи, презентации, натпревари на кои ќе можат да учествуваат студентите избрани токму од компаниите.
• Шанса да се запознаете лично со луѓето кои можеби ќе бидат ваши потенцијални соработници.
• Поголема можност да ја пронајдете вашата идна пракса или работно место.
• И многу други можности кои ќе ги откриете со самото ваше присуство.

Со огромно нетрпение го очекуваме Вашето присуство и се надеваме на огромен успех по завршувањето на овој настан,па дури и поголема заинтересираност. За повеќе информации посетете ја официјалната веб страна на настанот: www.jobfair.org.mk.