„Студентите избираат...“ по четврт пат во организација на STUBRAND

Детали

понеделник, 05 март 2018

Кои брендови ќе се стекнат со најпрестижниот сертификат - STUBRAND за 2018 година? За тоа ќе имаат можност да одлучат околу 60,000 студенти во Република Македонија кои по четврт пат ќе гласаат за своите омилени брендови, распоредени во вкупно 19 категории производи/услуги. STUBRAND е единственото официјално меѓународно истражување, со кое, директно од страна и на македонските студенти ќе се промовираат оние брендови, кон кои тие искажуваат највисок степен на емотивна лојалност во 2018та година.

Уникатноста на истражувањата на STUBRAND во сите 17 земји во кои се спроведува истото во моментот произлегува од неговата методологија. Имено, истражувањето е направено така што на многу едноставен начин, со кликање на една од понудените опции: Love, Like, Neutral, Dislike, Hate или Don’t Know, студентите да ја изразат својата првична, или импулсивно-емотивна реакција спрема дадениот бренд. Секој бренд што ужива позитивен имиџ од над 50% може да биде сертифициран со STUBRAND, а секој бренд со позитивен имиџ од над 75% и за кого процентот на одговорите Love е поголем од процентот на одговорите Like, може да биде сертифициран со PREMIUM STUBRAND за конкретната година.

Студентите се најважната група консументи за секоја компанија од причина што тие се консументи на иднината, односно стекнувањето на нивата доверба кон брендот денес значи долгорочна лојалност спрема истиот и во иднина. Затоа, резултатите од истражувањето на STUBRAND ќе им помогнат на компаниите да дознаат кој е степенот на емотивна лојалност на студентите кон нив и нивните брендови, како и да откријат како истите се перцепирани во однос на главните конкуренти.

Вообичаена пракса која додава вредност на истражувањето претставува настанот за свечено доделување награди и промоција на најдобро-рангираните брендови, кој од страна на STUBRAND ќе биде организиран до крајот на календарската година.

“Шпаркасе Банка Македонија во својата развојна стратегија студентите ги става на многу значајно место. Потврда за оваа стратешка определба на банката се многубројните проекти и активности што ги спроведува банката години наназад. Оваа награда која ја добиваме по втор пат е потврда дека сме на вистинскиот пат и ќе продолжиме така во иднина. Им благодарам од се срце на сите студенти за ова престижно признание.“ – изјави г-ѓа Маја Палчевска, директор на регионална дирекција Центар на Шпаркасе Банка за време на минатогодишната церемонија за доделување на признанијата на STUBRAND за 2017 година. За време на истата, покрај Шпаркасе Банка, STUBRAND сертифицираше и уште 16 брендови:  Ладна, Добра Вода, Голден Арт, Еуролинк, Зегин, Телекабел, Европа, Неуромедика, Healthy Food by Zegin, Јока, Коузон, Рапсоди, Имако, Антена 5, Телевизија 24 Вести и crnobelo.com.

Националната Асоцијација на Престижни Академски Граѓани (НАПАГ) е лиценцирана и оваа година да го реализира истражувањето на STUBRAND во 2018 година во Република Македонија.

Сите студенти можат да пристапат кон истражувањето со кликање на следниот линк.