Незаборавно журкање како во откачените 80ти

Детали

петок, 09 мај 2014

Деценијата која сите ја сакаме се врати во Скопје за една вечер благодарение на Urban Club. Околу 600 скопјани вчера повторно лудо се забавуваа како во 80тите години.

Локацијата Bo Bowling одлично одбрана за да ја долови енергијата на откачената декада. Драган Б. Костиќ и Зоки Бејбе со своите сетови ги однесоа сите 30 години назад во времето, а Сашко Коцев со стенд ап настап и својот уникатен хумор ги загреа сите за журкање.

Покрај добра музика, куглање и добро смеење, Urban Club и визуелно ги врати присутните во 80тите преку ретро- дрескодот на гостите. Вчеравечер беше забавно да се потсетиме на лудата мода на 80тите, ерата на познатите “потпунки”, облека во спектар на виножитото, тапирани коси и кремче шишки.

Во вакви модни комбинации шизењето беше ултра забавно, особено кога Прима Данца ја вжешти атмосферата со настап на темите од Footloose, Ghostbusters и Thriller.

Успехот и на оваа забава за Urban Club е показател дека тој решително ќе продолжи да се бори со монотонијата на ноќниот живот во градот и ќе организира и натаму возбудливи, не-клише настани со несекојдневни концепти.