Едно поинакво CV на Македонец кој бара работа

Детали

понеделник, 07 април 2014

Со оглед на невработеноста на младите во Македонија, некои се одлучуваат да заминат во потрага по среќата во други земји, други се одлучуваат да чекаат, трети прифаќаат сè, a некои се одлучуваат да ја активираат креативноста и да се обидат да се издвојат од толпата за да бидат забележани.

Еден од последната група е Христијан Трајкоски од Прилеп, кој како и сите останати го завршил факултетот, запишан е на постдипломски студии и има работно искуство во повеќе области.

Зборува неколку јазици и ги има потребните комуникациски и професионални вештини, но сè уште ја нема вистинската работна понуда и досега не се нашол работодавач кој ќе знае да го цени она што тој го нуди.

Христијан се обрати до нашата редакција и ни го испрати своето креативно изработено CV  кое го привлекува вниманието со својот дизајн и се издвојува од вообичаените класични  апликации.

На овој начин се надеваме дека ќе му помогнеме на Христијан во потрагата по работа која ќе го задржи во земјава и ќе знае да го искористи и награди неговиот капацитет, пред како што вели, да го фати последниот евтин лет и да се препушти на судбината надвор од Македонија, како и многу други.

Погледнете го и споделете го креативното CV на Христијан за побрзо да добие одговор:

Кликнете на фотографијата за да ја разгледате во вистинска големина.