Тоше Проески пееше на Евровизија, гледавме „Млади бунтовници“ – Настани што се случија во Македонија пред 20 години

Детали

четврток, 14 ноември 2024

2004-та беше плодна година и за музичката, и за филмската индустрија во Македонија. Но, ќе остане запаметена и по трагедија – смртта на тогашниот претседател Борис Трајковски.

Ви се верува ли дека од 2004-та поминаа точно 20 години?

Пред цели две децении Александра Пилева победи на Макфест со „Нема утеха“, но и почна да се емитува „Кој сака да биде милионер?“.

Кои настани се случија во Македонија во 2004 година?

Тоше Проески беше прогласен за Амбасадор на добрата волја на УНИЦЕФ, но и ја претставуваше и Македонија на Евровизија со песната „Ангел си ти“.

Тој се пласира релативно добро кога ќе се земат предвид резултатите на Македонија на натпреварот - влезе во финале и заврши 14-ти.

Истата година, Тоше го издаде албумот „Ден за нас“, како и DVD од неговиот концерт на Градскиот стадион во Скопје.

Покрај него, албуми издадоа и Владо Јаневски (Ваков или таков), Влатко Стефановски (Трета мајка), како и бендот Мизар (Кобна убавина).

На фестивалот Макфест, пак, победи Александра Пилева со хитот „Нема утеха“.

Продолжува на следната страница...