Бајковита свадба на Христијан и Бојана во Охрид: Возење со катамаран, венчаница со охридски бисери и огномет

Детали

петок, 14 јуни 2024

„Замислата беше интимна свадба, темата беше звукот на езерото. За сите присутни гости имавме организирано возење со катамарани до Канео, а прославата беше во ресторан во Пештани. Невестата беше облечена во бисерно бела венчаница и детали со охридски бисери“ - раскажаа Христијан и Бојана од Куманово за CRNOBELO.com, за нивната бајковита свадба во Охрид. 

„Само еден краток миг, тихо пеам молитва за нас“... Со стиховите на Каролина и Дуке и звукот на езерото, започна свадбата од бајките на Христијан и Бојана.

Христијан Маџовски (29) од Куманово, познато лице по прекрасните Инстаграм видеа од патувања (за што неодамна доби награда за инфлуенсер на годината во категорија патувачки содржини), со својата избраничка Бојана Тодоровска (30), исто така од Куманово, направија бајковита свадба во Охрид. 

Минатиот викенд, на 08.06.2024 се одржа црквената венчавка во просториите на Манастирот Св. Јован Богослов Канео, а младиот пар се заколна на вечна љубот пред Бога.

Свадбената церемонија продолжи во ресторан во село Пештани, каде што се одржа и склопување на граѓанскиот брак.

Невестата беше облечена во бисерно бела венчаница и детали со охридски бисери, додека младоженецот носеше смокинг во црна и крем нијанса.

Во вечерното издание, невестата ги изненади присутните гости со прекрасна мини здолниште, креација со рачно испишан натпис „forevermore“.

За нивната уникатна свадба, за CRNOBELO.com тие откриваат:

„По долгогодишната љубовна врска, се заколнавме на вечна љубов минатата година во волшебниот Колмар, за време на божиќниот базар.

Замислата беше интимна свадба, темата беше звукот на езерото, а се случи во македонскиот град на љубовта и светлината Охрид. 

Ресторанот беше во тематска декорација со бели цвеќиња и зелени нијанси и многу свеќи, а идејата за целата декорација беше идеја на младенците, реализирана од страна на професионални лица за декорација од Велес.

Уште од првиот момент и првите разговори за свадба и венчавка, и двајцата знаевме дека сакаме интимна прослава со најблиските роднини и пријатели.

Охрид беше единствената локација која што беше прифатлива за нас.

По голема потрага по идеалната локација со најубавото зајдисонце, се одлучивме за еден ресторан во Пештани, кој го прилагодивме и направивме место од соништата за бајковита веселба.

За сите присутни гости имавме организирано возење со катамарани до Канео, гостите имаа можност да уживаат во возењето низ водите на Охридското Езеро, како и да уживаат во магичните погледи од балконот на Св. Јован Канео.

Сакавме интимна атмосфера со бели и зелени нијанси, сакавме да уживаме во погледот на зајдисонце покрај езеро, сакавме првото шампанско да биде само за нас, сакавме церемонијата да биде бајковите, а бајката да ја памтиме засекогаш.

Се одлучивме за малку поинаква свадба од македонските традиционални свадби. Се фокусиравме на македонска поп музика и многу сме благодарни на бендот и на вокалите од бендот кои оваа прослава ја направија фантастична и за паметење.

За крај како шлаг на тортата, навистина беше тортата, уникатко изработена бела торта со природно цвеќе кала.

Присутните гости, имаа можност да уживаат во прекрасниот момент на сечење на невестинската торта, во атсмофера со запалени прскалки и спектакуларен огномет кој беше изненадување за сите“, споделуваат Христијан и Бојана за CRNOBELO.com.

Погледнете повеќе фотографии од свадбата на Христијан и Бојана:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

M. M. | Црнобело