Деца генијалци на Јуниорска Олимпијада и уште 4 позитивни вести од Македонија кои нè израдуваа минатата недела

Детали

понеделник, 26 август 2024

Виртуозот на пијано, Симон Трпчески повторно нè направи горди по позитивните реакции за неговите маестрални концерти низ Европа, информатичарите до 15,5 години повторно покажаа дека се вистински генијалци - ова се 5 позитивни вести од минатата недела кои ќе ве расположат.

Во „морето“ политика, црна хроника, информации за болести, престрелки, временски непогоди... решивме да внесеме малку среќа и позитивна енергија, и да ја погледнеме Македонија од поубавата страна.

Затоа, секој понеделник со вас ќе споделуваме позитивни вести, кои можеби сте ги пропуштиле, а кои се надеваме, барем на кратко ќе ви го разубават денот и ќе ви измамат насмевка.

5 позитивни вести од Македонија кои ни ја разубавија минатата недела:

Две девојчиња ја вдомија Луси - кучето фрлено на улица

Здружението за заштита и хуман третман на бездомните кучиња „Лајка“, на својата Фејсбук страница објави фотографија од која две девојчиња кои ја вдомија Луси.

„После години користена за размножување и исфрлена на улица, кога не биле во можност повеќе да заработуваат од неа, Луси конечно ќе започне нов живот, но овој пат како член на фамилија во дом полн со љубов! Со среќа малечка“, стои во пораката од „Лајка“.

Црвениот Крст на Скопје организираше летен камп за млади

Од 18 до 21 август во Струга се одржа летен камп за млади од петте Општински организации на Црвен крст во Скопје.

Кампот, кој беше организиран во соработка со невладината организација Roma Rock School, го посетија млади од двете организации, а целта беше да се промовира волонтерство, запирање на насилството помеѓу младите, културата како систем од вредности, промоција на музиката.

Па така, за време на кампот сите младинци имаа можност да свират различни инструменти, но и заеднички да напишат песна за хуманоста, другарството и солидарноста.

Песната ќе биде снимена и ќе остане како трајна вредност за едно преубаво поминато време исполнето со многу знаења, искуство и смеа.

Уште 3 вести на следната страница...