Јелена и Филип се венчаа на ски стаза во Маврово – под олтар направен од скии, невестата скијаше во венчаница

Целата венчална церемонија беше извонредна и прекрасна највеќе поради тоа што имавме огромна поддршка и неизмерна помош од нашите фамилии и пријатели, а уште повеќе поради тоа што бевме опкружени со скоро сите наши луѓе кои ни значат и се огромен дел од нашите животи, луѓе што ја делат нашата пасија и заљубеност во планините и зимските спортови.

По завршување на формалниот дел од церемонијата, потпишувањето, објавувањето на законски склучениот брак и честитките искажани од фамилиите и пријателите, најпрво поминавме низ уште еден коридор (овој пат формиран од пријатели) кои ги држеа ски стапчињата над нашите глави, за потоа да застанеме зад ратракот, каде сите заедно, во еден здив, почнавме со спуштање по падините на Маврово држејќи запалени сигнални стапчиња – бакли.

Јас, секако, скијав облечена во невестинскиот фустан, чувството беше прекрасно, уживав во секој момент.

За жал дента не нè почести со сонце, но имавме доволно снег и поволни услови за скијање, што беше и повеќе од доволно за да го прославиме овој ден како што ни беше замислен.

И секако, после цел еден ваков исцрпувачки ден и настан, прославата се пресели во нашиот омилен ресторан „Мавровски Мерак“, каде што продолживме да прославуваме и да се веселиме, а се тоа пропратено со извонредна храна и убаво вино.

И јас и мојот сопруг Филип успеавме да ја организираме и изведеме свадбата од нашите соништа, а со помошта и поддршката што ја добивме од фамилиите и пријателите, целото ова искуство излезе уште поубаво од она што го замислувавме и го имавме како идеја.

Продолжува на следната страница...