Ирина Камилоска: „Се породив природно на ГАК, качив 15kg во втората бременост - не е лесно со две деца, но вреди“

Од неа побараа и совет за мајки кои се сами по цел ден, а кои како што велат „немаат време ни до тоалет да одат сами, камо ли за нешто друго“.

На ова, Ирина им одговори:

„Искрено, на мајките кои се сами дома со повеќе од едно дете им симнувам капа. Навистина знае да биде претешко, иако тврдам дека со едно дете лесно се справува секој.

Мислам дека е најбитно од сè да се воведе ред на дремки кај децата за да можеш да знаеш точно време кога ќе имаш неколку часа за себе.

Јосиф сè уште има две дремки на ден и точно знам од колку до колку часот сум слободна од него додека спие.

На Лена ќе ѝ воведам после 2 месеца ред, уште е мала. Ама, ќе пробам дремките да се совпаѓаат со тие на Јосиф за да можам и јас да здивнам кога сум сама дома со двете“.

Таа откри и дека не ѝ било лесно да му воведе ред на Јосиф, но, сепак успеала во тоа.

„Најважно што научив е да го следам wake windows кај бебето, односно, има точно определено време колку треба да го/ја држиш буден/а, за да може да заспие ефикасно на дремката“.

Сличен проблем има и жена, која вели дека веќе втор месец не може да се соземе од неспиење, бидејќи бебето ѝ има грчеви 24/7, па побара совет од Ирина.

„Ох, најлоши се грчевите кај деца. Од искуство на мои другарки, кои имаа голем проблем со грчеви кај дечињата, најмногу од сè им помогна сирупот Nurse Harvey (ако веќе го немаш и него пробано).

А ако ти е утеха, во 90% од случаите, грчевите траат до 3 месеци. Ќе летне уште еден месец. И запамти ми го зборов, нека на оваа мака нема да се сеќаваш“.

Една жена ѝ напиша дека е во 8-миот месец од бременоста, но дека се плаши од породувањето, па побара совет како да го преброди тоа.

На ова Ирина ѝ препорача да оди на часови за бремени жени, а на кои ќе научи како да препознае контракции и како да ги контролира со правилно дишење, како да го капе бебето, како да го третира неговото папоче, егземи, но и ако има рана од царски и слични работи кои ѝ се од помош на секоја идна мајка.

Ја прашаа ѝ како се однесува Јосиф со Лена, дали си игра со неа и дали ѝ се радува.

„Јосиф сè уште на моменти е збунет, но полека го прифаќа бебето во домот.

Го учиме дека плаче за да цица, дека му е мала дадичка и дека ќе порасне, а тие ќе бидат најдобри другарчиња“.

Продолжува на следната страница...