Ирина Камилоска: „Се породив природно на ГАК, качив 15kg во втората бременост - не е лесно со две деца, но вреди“

Детали

среда, 12 февруари 2025

„Јосиф го родив побрзо од Лена. Иако перијакално свртен, на бокс раѓањето траеше 3-4 минути. Со Лена бев на бокс околу 15 минути пред да ја родам... но, генерално лесно со двајцата. Воопшто не помислив да одам на приватно“, вели Ирина Камилоска која пред еден месец го роди своето второ дете.

Ирина Камилоска на 13 јануари 2025 ја роди ќерката Лена, нејзиното второ дете, откако во јуни 2023 го роди синот Јосиф.

По помалку од еден месец од породувањето, планинарката е скоро вратена во форма, го намали поголемиот дел од вишокот килограми и полека се враќа во рутина - грижа за децата, планинарење на Водно, семејни активности со сопругот, пејачот Павле Камилоски.

А една од работите по кои е препознатлива Ирина, е и нејзината интеракција со следбениците на Инстаграм и искреноста со која одговара на нивните прашања, особено во однос на бременоста и мајчинството.

Така беше и овој пат. Додека сама го искачуваше Водно, Ирина покажа колку ѝ се намалил стомакот и дека е скоро рамен, но ги покажа и подочниците и темните кругови околу очите.

„Подочњациве ми се од ќерка ми Лена, која се понаша ко тинејџерка, дење спие, а ноќе лумпува, преубаво. А ова е стомакот, за вас кои прашавте како изгледам сега.

Имам уште малку за симнување, односно, не накачив многу во оваа бременост, повеќе имав задршка на течности, и супер се чувствувам“, вели Ирина, која откри дека во втората бременост качила 15kg.

По ова, таа им даде можност на нејзините следбеници да ја прашаат сè што ги интересира и одговараше на нивните прашања.

Ирина кажа дека, исто како и со синот Јосиф, така и со ќерката Лена се породила на ГАК, природно и без епидурална.

„Јосиф го родив побрзо од Лена. Иако перијакално свртен, на бокс раѓањето траеше 3-4 минути. Со Лена бев на бокс околу 15 минути пред да ја родам... но, генерално лесно со двајцата.

Воопшто не помислив да одам на приватно. Со синот имав прекрасно искуство во Државна и верував дека и сега ќе е исто.

Не се излажав - ГАК има соодветни услови за раѓање, прекрасен персонал целосно посветен на работата“.

„Јас наместо да ослабам, се здебелив“ - гласи една од пораките.

„Мене ми се случи ова со Јосиф. После 40 дена кога се погледнав во огледало, сфатив дека сум се здебелила, иако од болницата излегов со само неколку килограми плус.

Тоа ми се случи зашто сите околу мене (постарите) ми велеа: ‘Јади Ирина, мораш да јадеш за да имаш млеко“, а јас исплашена дека немам доволно за Јосиф, се убив од јадење“.

Продолжува на следната страница...