Расцветаа кокичињата во Македонија - Има ли поубаво? (фото)

Детали

среда, 05 февруари 2025

Наша верна читателка ни испрати прекрасни фотографии од кокичињата во нејзиниот двор во скопската населба Пржино, а и вокалистката на групата Ареа, Ружица М. Брчиоска, објави магични фотки од нив. Мириса на пролет, зарем не?

Дали и вие се радувате како дете кога ќе видите кокиче? Дали ви прави топло на душата кога овие предвесници на пролетта ќе успеат да излезат и да расцветаат?

Тие храбро ѝ пркосат на зимата и се мевлем и за очи и за душа.

Нашата верна читателка Кети Петровска ни откри дека во нејзиниот двор во скопската населба Пржино годинава првите кокичиња расцветале на 15-ти јануари, а сега ги има толку многу што дворот е како сцена од бајка.

фото: Кети Петровска

Вљубеник во кокичињата е и вокалистката на групата Ареа, Ружица М. Брчиоска, која со својот фотоапарат, кој го носи насекаде, улови прекрасни кадри, направени во нејзиниот роден град Гостивар и ги сподели на Фејсбук.

Кокичињата се првите растенија кои цветаат пред и официјално да започне пролетта и тоа пред да се стопи снежната покривка. 

фото: Ружица М. Брчиоска

Имаат посебна магија, зарем не?

 

С. С. | Црнобело