Инфлуенсерката Ксенија Деспотоска: „Поради бременоста, венчаницата ја шиев една недела пред свадба“

Детали

понеделник, 25 ноември 2024

„За долгата венчаница од прв ден знаев дека сакам ваков фустан и мислам дека може да го носи моето име од што е толку јас“, вели Ксенија Деспотоска.

Македонската инфлуенсерка Ксенија Деспотоска неодамна (09.11) направи свадба, а за посебниот ден, Ксенија избра бела венчаница со долги ракави, украсена со везови, како и долг вел.

Покрај неа, таа облече и кратко бело фустанче во текот на вечерта.

Ксенија на нејзиниот Инстаграм профил откри детали за нејзините венчаници:

„Носев два фустани, а за долгата венчаница од прв ден знаев дека сакам ваков невестински фустан и мислам дека може да го носи моето име од што е толку јас.

Поради фактот што сум бремена, го шиевме една недела пред свадба, за да нема утка. Буквално за два дена беше готов.

Материјалот го избравме месец и пол/два пред свадбата, а другото трпеливо чекавме за да нема утка со стомачето.

За вториот фустан важно ми беше само да е комотен и да можам да играм на раат. Гледав да ми е практично поради мојата состојба и не сакав да се стегам.

И навистина мислам дека направив добар избор“.

Повеќе фотографии од невестинскиот изглед на Ксенија на следната страница...