Марко Новески со близнаците, Игор Ангелов полумаратонец: Кои познати Македонци трчаа на Скопски маратон 2024?

Меѓу актерите кои трчаа на Скопскиот маратон 2024 беа и Гораст Цветковски, Благој Веселинов, Нина Николиќ и Александар Михајловски од МНТ.

Гораст, на маратонот не трчаше во спортска опрема, туку во сценски костим од една од неговите претстави.

На маратонот повторно трчаше и поранешната пејачка Ева Нединковска. Таа ја истрча трката од 21km.

„5-ти по ред мој полумаратон, трет пат на Wizz Air Skopje Marathon и прв полумаратон кој лесно го истрчав без потреба да проодам.

Ќеиф ми е што постигнав личен рекорд од 2:18:54, 12 минути побрза од лани, 9 минути подобро време од моето најдобро време на полумаратон досега.

Изминативе 3 месеци трчав само кратки дистанци и немав доволно тренинзи ни километража за полумаратон, но со божја помош стигнав радосно и лесно на целта“, напиша Ева на Фејсбук.

Меѓу учесниците беше и поранешната водителка, а сегашен уредник во Македонската телевизија, Анета Андонова.

Таа години наназад учествува на трките, а годинава се натпреваруваше во штафета.

Фотографиите од Скопскиот маратон 2024, Анета ги сподели на Фејсбук.

А. Ј. | Црнобело