Кристина Арнаудова со љубовна порака за роденденот на сопругот: „Пак да се родам, ќе те одберам тебе“
- Детали
- понеделник, 26 август 2024
Со љубовна поезија и забава во битолското кабаре, пејачката Кристина Арнаудова му го одбележа роденденот на својот сопруг, поранешниот ракометар Александар Петровски - Сајкал.
Пејачката Кристина Арнаудова го прослави роденденот на сопругот, Александар Петровски - Сајкал со емотивна порака и малку љубовна поезија.
Таа на својот Инстаграм објави фотографија на која се бакнуваат, па му порача дека „пак да се роди, него би го одбрала“ за свој сопатник.
Пораката, Кристина ја дополни со љубовна песна од Ана Бунтеска.
„Да си најдиш чоек рамен на тебе
кој ќе ти ја љуби и сенката
кој и својата во твојата ќе ја гледа
и да те чува ко капка вода на рака
ко жеден чоек во пустина да те гледа
ко да си му зеница
ко да си нешто што не видел никојпат
таков чоек пиле да си најдиш
кој нема да ти се плаши оти ко другите не си
кој нема да ведни глава ко ќе викаш
кој тогаш глата ќе ти ја фати меѓу дланки
и ќе те замолчи со бакнеж
кој ќе ти биди изгрејсонце
а зајдисонцето рака в рака ќе го минувате
кој никогаш нема в постела грб да ти заврти
и со лоша мисла покрај тебе да заспие
таков пиле
таков да ми најдиш за себе“ - е дел од песната.
Роденденот Сајкал го прослави во неговата родна Битола, со неколку блиски роднини и пријатели, во кабарето Gold Felicia.
Таму пред сите гости, музичарите од кабарето му ја испеаја Happy Birthday.
Кристина и овој пат не можеше да ги задржи емоциите, па сега на Инстаграм Стори, му посака среќен роденден со пораката:
„За уште многу волшебни моменти со нашите пријатели, за уште многу љубов, живели за сè што доаѓа. Те сакам до ѕвездите и назад, засекогаш“.
Погледнете ги фотографиите:
А. Ј. | Црнобело
Би можело да ве интересира:
Препорачуваме
Најчитани неделава
