Каков татко - таков син: Ирина Камилоска сподели слатки фотки од сопругот и малиот Јосиф

Детали

петок, 09 август 2024

Ирина често споделува фотографии од Павле и Јосиф, но и видеа на кои открива дека сопругот му пее на синчето кое го гледа со внимание и ужива.

Планинарката Ирина Камилоска, која го очекува второто дете со пејачот Павле Камилоски, сподели неколку фотографии од нивниот првороден син Јосиф.

Фотките од 1-годишното момче ги разнежнија нејзините пријатели, кои велат дека Јосиф е вистинско „шеќерче“, но и дека многу пораснал.

На една од фотографиите Јосиф држи микрофон во раката, исто како неговиот татко.

На друга, пак, таткото и синот спијат еден покрај друг и ја имаат скоро истата поза, па за нив се чини, навистина важи она „каков татко - таков син“.

Ирина често споделува фотографии од Павле и Јосиф, но и видеа на кои открива дека сопругот често му пее на малото момче, додека Јосиф го гледа со внимание и ужива.

Инаку, парот во јули откри дека Ирина е бремена со нивното второ дете.

Погледнете повеќе фотографии:

А. Ј. | Црнобело