Марко од Скопје ја запроси саканата Ангела во Рим: „До последен миг стравував дека времето нема да се поправи“
- Детали
- четврток, 23 мај 2024
„Прстенот го купив точно на годишнината, што значи дека 4 месеци беа потребни за да се дојде до вистинскиот момент и да се поклопат сите нешта за сè да биде совршено“ – раскажува за CRNOBELO.com, Марко Стојковски кој ѝ приреди магично запросување на саканата Ангела.
Марко Стојковски (32) и Ангела Тасева (26) од Скопје се свршија на руфтоп барот на Oro Bistrot во Рим со магичен поглед кон градот.
Марко е вработен во неговата семејната компанија „Бујото“, а Ангела работи како ПР агент и на неговиот роденден на 3-ти јуни годинава ќе прослават 1 година и 4 месеци врска.
Во изјава за CRNOBELO.com Марко раскажува како дошол до идеја да ја запроси саканата во Рим, но и со кои предизвици се соочил.
Како што вели, неговата сакана воопшто не очекувала дека од патувањето во Рим ќе се врати со свршенички прстен.
„Знаевме да го спомнеме заедничкиот живот како тема за која јас секогаш велев дека има време во наредните години, нема каде да брзаме, за да не ми се открие намерата, така што Ангела немаше никакво претчувство за она што ќе ѝ се случи во Рим.
Прстенот го купив точно на годишнината, што значи дека 4 месеци беа потребни за да се дојде до вистинскиот момент и да се поклопат сите нешта за сè да биде совршено, кога ќе ја побарам за животен партнер“ – раскажува тој.
Рим како дестинација бил предлог на неговата сакана Ангела, а за Марко тоа совршено се вклопило во она што тој го имал замислено за посебниот ден.
„Мислам дека цела Италија е прекрасна и романтична, така што која дестинација и да ја одберете, нема да згрешите.
А, Рим посебно има премногу традиција, емоција и прекрасни глетки од кои здивот застанува“ – раскажува тој.
Марко рече дека бил смирен за време на патувањето и немал никаков проблем со криењето на прстенот за време на престојот во хотелот.
Се шегува дека неговиот куфер бил постојано отворен и дека е многу веројатно оти она што ви е пред очи не го гледате.
Но, дополни дека сепак мудро решил да го стави во внатрешната постава, близу рачките, каде што Ангела сигурно нема да побара.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_106709_400.jpg)
![](https://www.crnobelo.com/media/com_jvrelatives/images/thumbs/com_content_107458_400.jpg)
![](https://www.crnobelo.com/media/com_jvrelatives/images/thumbs/com_content_106524_400.jpg)
![](https://www.crnobelo.com/media/com_jvrelatives/images/thumbs/com_content_110620_400.jpg)
![](https://www.crnobelo.com/media/com_jvrelatives/images/thumbs/com_content_110975_400.jpg)
![](https://www.crnobelo.com/media/com_jvrelatives/images/thumbs/com_content_108467_400.jpg)