Влатко ја запроси Матеа со црвен тепих и огромен натпис во скопски ресторан: „Мислев дека само ме носи на вечера“

Детали

среда, 15 мај 2024

„Неколку дена пред запросувањето, Влатко ми најави дека викендот, во сабота вечер, сме поканети на некаква прослава кај негови деловни партнери. Кога пристигнавме во ресторанот бевме сами и започна да свири нашата омилена песна“ – вели за CRNOBELO.com Матеа од Скопје, на која свршеникот ѝ приреди спектакуларно запросување.

Матеа Петровиќ од Скопје викендов доби магично запросување во ресторан во Скопје, каде саканиот Влатко ѝ приреди неверојатно изненадување.

Таа за читателите на CRNOBELO.com сподели повеќе детали за нивната врска, но и за тоа како се одвивал самиот чин на запросувањето.

Влатко е по потекло од Делчево, но веќе 15 години живее во Скопје и е раководител на приватна фирма која се занимава со увоз и извоз.

Матеа е менаџер по туризам и хотелски менаџмент, но од мали нозе имала голема желба да се занимава со мода и затоа набргу по дипломирањето се одлучила да го оствари својот сон и отворила бутик за ексклузивна облека за дами.

„Јас и Влатко се запознавме сосема случајно, пред една година, благодарение на наш заеднички пријател.

Тој организираше ручек надвор од градот на кој бевме присутни и ние двајцата.

Да бидам искрена, Влатко ми се допадна уште на самиот почеток, така што може да се каже дека тоа беше 'љубов на прв поглед'.

Имавме голем број заеднички теми на разговор и така успеавме да се зближиме уште во првите часови.

Комуникацијата ја продолживме на социјалните мрежи во текот на наредните денови, за по кратко време да почнеме да се состануваме и така започна нашата врска“ – раскажува Матеа.

Таа открива дека со Влатко почнале да живеат заедно пред два месеца и веќе разговарале за темата брак, но таа самата не очекувала дека нејзиниот сакан ќе клекне на едно колено пред неа толку брзо.

Во изјава за CRNOBELO.com, Матеа открива како се одвивал самиот чин на запросувањето.

„Неколку дена пред запросувањето ми најави дека викендот, во сабота вечер, сме поканети на некаква прослава кај негови деловни партнери.

Кога вечерта пристигнавме во ресторанот очекував многу луѓе, но наместо тоа бевме сами и започна да свири нашата омилена песна.

Во тој момент Влатко ме замоли да излеземе во дворот за да ми покаже нешто. Кога излеговме, имаше и што да видам: црвен тепих, црвени рози, прскалки… Огромен светлечки знак 'Marry Me'.

За мене тоа беше бајка“ – вели Матеа.

Но освен за совршениот и романтичен амбиент, Влатко се погрижил за вечерта да има и професионален фотограф, кој ќе направи фотосесија, затоа што знаел дека нејзе многу ѝ значи тие убави моменти да бидат овековечени.

„Тогаш извади прстен и ме праша дали сакам да се омажам за него, а кога одговорив: 'Да', следуваше огномет“ – раскажува Матеа.

Продолжува на следната страница...