Вториот ден на Божиќ се вика и Собор на пресвета Богородица – Се посетуваат кумовите и пријателите

Детали

понеделник, 08 јануари 2024

Се верува дека на денешен ден треба да ги примите и да ги угостите сите што ќе дојдат на вашата врата, а традиционално на вториот ден од Божиќ се посетуваат пријателите, кумовите и соседите.

Во православниот календар повеќе денови се посветени на Мајката Божја, а вториот ден на Божиќ (08.01) се нарекува уште и Собор на Пресвета Богородица.

На овој ден ѝ се оддава почит на мајката божја, која го родила Исус Спасителот, а се нарекува уште и Собор затоа што денес се собираат сите верници за да прослават во нејзина чест.

Ако првиот ден на Божиќ е наменет за посета на семејството и на најблиските, на вториот ден од Божиќ најчесто се посетуваат пријателите, кумовите и соседите.

Во некои краеви се верува дека на денешен ден не смеете да ги бркате тие што ќе ви дојдат ненајавени, туку треба да ги примите и да ги нагостите.

И денес христијанските верници се отпоздравуваат со поздравот Христос се роди – Вистина се роди!

Б. С. Б. | Црнобело