Розов костум со пердуви + совршена шминка: Охриѓанката Мери Бајрамовска е Инфлуенсерка на годината

Детали

четврток, 14 декември 2023

Мејкап артистката од Охрид, Мери Бајрамовска, е избрана за Инфлуенсерка на годината 2023, на шестото доделување на наградите „Жени на годината“.

Вчера (13.12) во „Музејот на македонската борба“ шести пат беа доделени наградите „Жени на годината“. Овие награди се доделуваа во 10 категории, а за Жена на 2023 година беше избрана диригентката Бисера Чадловска.

Мејкап артистката Мери Бајрамовска, пак, ја освои наградата „Инфлуенсер на годината“.

Таа во својата категорија беше номинирана заедно со Миа Костова, Ангела Ѓоргиева, Марија Илиев и Калтрина Круезиу.

„Чест ми е што ја добив оваа награда која се доделуваше со гласови од публиката и жири комисијата, а во која беа номинирани уште четири други дами.

Задоволство ми е што стоев рамо до рамо со десетте неверојатни победнички во овогодишното издание на манифестацијата“, вели Бајрамовска.

Таа на Инстаграм е позната како @makeupmeri и има над 88 илјади следбеници.

Оваа дама на доделувањето на наградите беше облечена во розов костум со пердуви на ракавите од „Ателје Коцарева“ и шарен топ со гол стомак, па доби комплименти за изгледот.

А, за CRNOBELO.com, таа откри и дека оваа награда ѝ претставува поттик за понатамошна работа и успех.

„Не е доволна само моќта на тоа што го работите, туку треба некој и да го препознае тоа. Јас ќе продолжам да се подобрувам и да им овозможувам на моите клиенти услуги на што е можно повисоко ниво.

Ќе се залагам да ги задоволам стандардите на најдобрите светски шминкери.

Мојот досегашен успех е резултат на стручност, иновации, искреност кон клиентите, самокритичност и стабилна платформа за понатамошен развој“, ни кажа Мери.

Не е првпат Бајрамовска да добие награда за Инфлуенсер на годината. Таа во 2022 ја доби наградата„Make up Influencer, во организација на „Убавина и здравје“.

А. Ј. | Црнобело