Најтажната приказна од Скопје ЗОО: Жирафата Флопи и нејзиниот негувател Ристе починаа во ист ден

Детали

вторник, 28 ноември 2023

Веста за угинувањето на жирафата Флопи остави чувство на празнина и тага кај сите оние кои со години доаѓаа во зоолошката и ѝ се радуваа и неа, и на Каспер и Тобого – жирафите кои имаа можност да ги погалат или да ги нахранат.   

Скопската Зоолошка остана и без последната жирафа, откако вчера угина Флопи која ги усреќуваше децата, но и возрасните.

Веста за угинувањето на Флопи остави чувство на празнина и тага кај сите оние кои со години доаѓаа во зоолошката и им се радуваа и на жирафите Каспер и Тобого, кои имаа можност да ги погалат или да ги нахранат.   

Флопи почина само неколку часа откако јавноста дозна за смртта на 44-годишниот негувател Ристе Трајковски, кој 12 години се грижеше за неа и беше вистински пријател со жирафите.

„Последната жирафа во Скопје и зоо-негувателот денеска ја испишаа најтажната приказна. Утрово почина зоо-негувателот Ристе, а во текот на денот угина и Флопи, за која Ристе се грижеше 12 години“, пишува на објава на Твитер.

Флопи угина само 6 месеци по Каспер (мај 2023). Првата од трите жирафи во Скопје ЗОО, Тогобо, угина во јануари 2021-ва.

Емотивна објава сподели и фотографот Горан Анастасовски чии фотки од жирафите веќе се препознатливи:

„Не издржа ни еден ден без Ристе. Нè напушти и Флопи“, стои во објавата со неколку фотографии од Флопи и негувателот Ристе.

https://www.facebook.com/anastasovski.goran/posts/pfbid02qTnNrCQkPPSNztQTkB1AUsfLVHkaifWLkEUkpG49kfvhvjam1bUHteywFx8g1kcPl

Повеќе фотографии од жирафите во Скопје ЗОО на следната страница: