Весна Бејби емотивна за роденденот на ќерката: „На 9 месеци ја видов првпат и знаев дека сме си судбина“
- Детали
- сабота, 11 ноември 2023
„Мина имаше 9 месеци и едвај 3,5 килограми кога се сретнавме првпат еден сончев ден во Битола. Беше лесна, насмеана само ако ја погалиш, ако престанеш ќе почнеше да плаче. Знаев дека сме си една на друга судбина“, напиша Весна Петрушевска на 19-тиот роденден на ќерката.
Актерката Весна Бејби Петрушевска на својот Инстаграм објави видео за да ѝ го честита 19-тиот роденден на ќерката Мина.
Видеото е колаж од фотографии направени низ годините, на кои се тие две заедно, од претходни родендени на Мина, со брат ѝ Кирил, Игор Џамбазов, со починатиот татко на Весна, а дедо на Мина, со кого беа многу блиски, од секојдневни ситуации во кои се фотографирале.
„Мина имаше 9 месеци и едвај 3,5 килограми кога се сретнавме првпат еден сончев ден во Битола. Беше лесна, насмеана само ако ја погалиш, ако престанеш ќе почнеше да плаче. Знаев дека сме си една на друга судбина.
Последниве 8 години се соочувавме со разни состојби поради тоа што таа беше жртва. Се бореше секој ден како лавица. Таа насмевка нема цена.
Денес полни 19 години. Секогаш била моја и ќе биде моја.
Потполно е неважно дали сте биолошки родител, важно е да го изнесете детето на пат. Мина е мојот херој секој секунда, секоја минута, секој ден, секоја ноќ.
Не знам зошто, ама се 'утепав' од плачење. Среќен роденден Мина Бејби и вечер одиме на журка“, напиша таа на видеото.
Но, актерката на полноќ (11 ноември) објави и видео на кое влегува во собата на Мина и ја буди, додека ѝ пее Happy Birthday.
„19 години по ред вака ја малтретирам, без исклучок, и мислам дека нема веќе. Само мајка може да е вака досадна и откачена“, напиша Петрушевска на Инстаграм стори.
Освен Мина, актерката го има и синот Кирил (20), кој во моментов живее во Америка.
Роденденската честитка од Весна Бејби за ќерката Мина:
https://www.instagram.com/reel/CzgW9EtIo6s/
А. Ј. | Црнобело
Би можело да ве интересира:
Препорачуваме
Најчитани неделава
