Љубовта не знае за години: Кои познати дами од Македонија биле или се постари од своите партнери?

Детали

петок, 03 ноември 2023

Каролина Гочева, Калиопи, Сузана Турунџиева... На македонската јавна сцена имаше, и сè уште има, неколку љубовни парови каде дамите се постари од своите посилни половини. За нив важи она - љубовта не знае за години. Знаете ли кои се тие? 

Неколку дами од домашната јавна сцена рушат табуа кога е во прашање љубовта.

Иако разликата во годините меѓу нив и партнерите секогаш била интересна тема за фановите, овие познати дами не обрнуваат внимание на озборувањата, туку, напротив, уживаат во љубовта.

Кои се познатите македонски дами кои биле или се во врска со помлад партнер?

Сузана Турунџиева и Александар Маленко

Разликата меѓу познатата пејачка, водителка и писателка, Сузана Турунџиева, и некогашниот пливач Александар Маленко, е 10 години.

Ќерката Лора е единственото дете кое го добија додека беа во брак.

По разводот, Турунџиева и Маленко не останаа во контакт, а тој не беше поканет ниту на свадбата на нивната ќерка.

Лора на социјалните мрежи е потпишана со презимето на својата мајка. Таа пред неколку години се најде во центарот на вниманието кога објави емотивно писмо за Маленко, а преку кое, освен нему, им се обрати и на „сите татковци кои ги оттурнале своите деца, ги повредиле, ги заборавиле и едноставно им нанеле болка во нивната душа“.

Благица Павловска и Саше Симеонов

Македонската фолк-дива во 2006 година стапи во брак со Саше Симеонов од Кочани, од кого беше постара 19 години.

Благица и Саше се венчаа во затвор во италијанското гратче Салуцо, каде Саше одлежуваше затворска казна.

На нивната венчавка присуствуваше и градоначалникот на Салуцо.

Нивниот брак траеше само 4 години, а по разделбата Благица изјави дека додека таа била на печалба во Австралија, тој уживал во џакузи со љубовниците.

Калиопи и Васил Зафирчев

Поп-дивата Калиопи и актерот Васил Зафирчев беа повеќе во една деценија во брак, а и по разводот останаа во добри односи.

Во неколку наврати двајцата потенцираа дека продолжуваат да си бидат поддршка еден на друг во животот.

Разликата од 14 години меѓу нив никогаш не претставуваше проблем и тие максимално уживаа во нивната љубов.

Каролина Гочева и Михаил Корубин

Во 2017 година пејачката Каролина Гочева стапи во брак со 6 години помладиот уметник, Михаил Корубин.

Свадба направија во еден од хангарите на аеродромот Стенковец, кој беше специјално уреден за оваа пригода.

Освен блиските роднини и пријатели на Каролина и Михаил, на свадбата присуствуваа и многу познати личности.

Мелита Ракичевиќ и Виктор Ѓоршевски

Некогашната водителка Мелита Ракичевиќ долго време беше во врска со битолчанецот Виктор Ѓоршевски, од кого беше 16 години постара.

Но тоа воопшто не ги спречи да уживаат во нивната филмска љубов. 

За нивната огромна љубов пишуваа сите портали. Тие често знаеја на социјалните мрежи да споделат нивни заеднички фотографии и јавно да си изразат љубов.

С. Ш. | Црнобело / фото: Фејсбук