Австралиец оженет со Македонка: „Ако не сте биле на македонска свадба, пронајдете пријател од Македонија“
- Детали
- недела, 14 мај 2023
„Ако не сте биле на македонска свадба, пронајдете пријател од Македонија и омажете/оженете се во тоа семејство. Среќен сум за моето ново македонско семејство и сите луди традиции кои допрва ќе ги запознаам и ќе им се радувам“, вели Локи Гилберт од Австралија, кој е оженет за Македонката Ирена.
Ирена Србиновска, медицинска сестра која потекнува од Битола, а живее во Австралија, победи во шоуто „The Bachelor 2020“ и го освои срцето на „најпосакуваниот ерген“ Локи Гилберт, кој од сите девојки ја избра токму неа за своја партнерка.
Парот, по 3 години врска, направи прекрасна свадбена веселба на која присуствуваа многу Македонци и беа испочитувани многу наши традиции.
Австралискиот младоженец Локи Гилберт вели дека е вооодушевен од македонските традиции.
На својот Инстаграм профил тој сподели:
„Ако не сте биле на македонска свадба, пронајдете пријател од Македонија и омажете/оженете се во тоа семејство.
Навистина сум среќен што конечно ќе имам семејни традиции, кои ќе можам да им ги пренесам на моите идни деца. Никогаш не мислев дека јас толку ќе навлезам во традициите, но сега не можам да си го замислам животот без нив.
Среќен сум за моето ново македонско семејство и сите луди традиции кои допрва ќе ги запознаам и ќе им се радувам“.
С. С. | Црнобело
Би можело да ве интересира:
Препорачуваме
Најчитани неделава
