Емине Ердоган, сопругата на турскиот претседател - ја обвинуваат дека е зависник од луксуз, таа му е десна рака

Детали

сабота, 10 септември 2022

Била фотографирана со дијамантски часовник и чанта од 50.000 евра, живее во луксузна палата. Сепак, Емине Ердоган тврди дека е скромна жена која купува евтини имитации. Што знаеме за сопругата и десната рака на турскиот претседател Реџеп Таип Ердоган.

Сопругата на турскиот претседател Реџеп Таип Ердоган (68), Емине (67) е првата дама на Турција и е препознатлива по својот скромен изглед. Иако, делува скромно, Емине не е во сенка на нејзиниот сопруг, туку е негова „десна рака“ и е мошне вклучена во хуманитарни проекти за заштита на правата на жените и на децата.

Реџеп и Емине се во брак од 1978-ма година, а уште во тоа време биле мошне заинтересирани за политика. Во 80-тите години парот бил посветен на нивните 4 деца, а од 1985-та година Ердоган и официјално влегува во политиката.

Интересно е тоа што истата година кога Ердоган се приклучува на партијата за благосостојба, Емине веднаш застанала на чело на женскиот огранок на партијата.

Откако Реџеп бил избран за градоначалник на Истанбул во 1994-та година, Емине веднаш почнала со организација на повеќе проекти.

Освен што е позната како „десна рака“ на претседателот, Емине низ годините привлекувала внимание и со луксузната облека и начинот на живот што потоа биле негирани во дел од провладините медиуми во Турција.

Во турските медиуми досега имало пишувања дека иако делува мошне скромно, Емине не е имуна на луксузна брендирана облека и додатоци.

Така, во 2020-та година дел од медиумите објавија дека првата дама на Турција носи чанта од Hermes која чини  50.000 евра и тоа во време кога земјата се соочуваше со финансиска криза.

По ова дел од турските медиуми застанаа во одбрана на првата дама и рекоа дека таа никогаш не носи скапа облека, туку купува евтини имитации.

Освен со чантата, Емине повторно се најде во фокусот на јавноста и неколку години подоцна кога се појави уште една фотографија при посетата на Етиопија на која таа носеше луксузен часовник Chopard од нивната луксузна дијамантска линија кој чини околу 35.000 евра.

Во турските медиуми ретко се пишува за луксузниот живот на Емине, но западните медиуми немаат проблем да објавуваат статии за неа.

Продолжува на следната страна...