Случка од Грција со 10-годишен продавач на плажа: „Имав кнедла во грлото додека се оддалечуваше од нас“

Детали

петок, 22 јули 2022

Србин раскажува ситуација од неговото летување во Грција и дава убава поука: „На плажа во Неа Ираклица доаѓа мал Африканец од едвај 10 години, убав како кукла и љубезно нуди алки и слично. Ова чини 5 евра, го купив за мојата ќерка, која е негов врсник… Ние наоколу на лежалките уживаме безгрижни како деца, а тој дете со свои грижи.“

Јанко Павловиќ од Србија на својот Фејсбук профил сподели случка од неговото летување во Грција, со прекрасна поука, и стана вирален хит.

Неговата објава, која веруваме ќе ве трогне, а можеби и освести и вас:

„На плажа во Неа Ираклица доаѓа мал Африканец од едвај 10 години, убав како кукла и љубезно нуди алки и слично. Оваа (на фотографијата) чини 5 евра, ја купив за мојата ќерка, која е негов врсник.

фото: Јанко Павловиќ

Му давам 6 евра за да го почестам, тој мисли дека сум му дал по грешка и ми враќа едно евро. Не е крадец, туку продавач.

Му велам „Не, не, во ред е“ и тој дури тогаш ми се заблагодари и продолжи понатаму.

Ја влече онаа торба поголема од него, низ песокот на повеќе од 30 Целзиусови степени и заработува за живот. Ние наоколу на лежалките уживаме безгрижни како деца, а тој дете со свои грижи.

Ја гледам својата ќеркичка, синот, сопругата и се обидувам прво себе во главата, па на нив да им објаснам колку среќа имаме.

Но, не успевам!

Само гледам како малото момче се оддалечува од нас и имам кнедла во грлото.

Не го напишав ова за да ви го расипам летувањето, но да ви кажам да не се нервирате за лошото сместување, за тоа дека плажата е далеку или имало гужва на граница. Нам сè ни е во ред, па и повеќе од тоа.

А вам ако ви затреба ваква алка, знаете од кога и каде да ја побарате.“

С. С. | Црнобело