Актерката која ја глуми Јованка во турската серија „Балканска приказна“ покажа како ги поминува деновите во Скопје (фото+видео)
- Детали
- среда, 06 јули 2022
Турската актерка Мерих Озтурк која ја толкува главната улога во новата турска серија „Балканска приказна“ што се снима во Скопје, на својот Инстаграм профил објави кратко видео од повеќе локации низ Скопје што имала можност да ги посети.
Турската актерка Мерих Озтурк ја толкува улогата на Јованка во новата серија „Балканска приказна“ (Balkan Ninnisi), а преку кратко видео објавено на Инстаграм покажа дека слободното време од снимањето го користи за да ги посети музеите и туристичките знаменитости низ Скопје.
Старата скопска чаршија, Музејот на македонската борба, Археолошкиот музеј, Мостот на уметноста, но и кањонот Матка се само некои од локациите што се најдоа во кратката видео компилација што таа ја објави на Инстаграм.
Инаку, Мерих Озтурк важи за една од најубавите Турчинки - таа во 2018-та година ја добила наградата за најдобар модел на Турција.
Серијата „Балканска приказна“ почна да се емитува на турскиот канал TRT и во моментов е една од најгледаните телевизиски програми во Турција. Во неа се говори за забранетата љубов помеѓу двајца млади од двете страни на Вардар и нивните семејства.
Прочитајте и Една од најубавите Турчинки ја глуми Македонката заљубена во „забранет“ дечко – кои се актерите од турската серија што се снима во Скопје?
Мерих редовно објавува фотографии и видеа од снимањето на серијата, погледнете дел од нив:
https://www.instagram.com/tv/CfRme8BuMrl/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
