„Убиј ме“ - Вирално видео од Србија кое е доказ за несоодветните текстови на турбофолк песните

Детали

вторник, 22 февруари 2022

Цеца, Лепа Брена, Ана Бекута, Тања Савиќ, Аца Лукас се дел од регионалните пејачи чии стихови се најдоа како мета на осуда. Кои ви се најзгрозувачките стихови што сте ги слушнале досега? „За моје добро гази ме, не дај да живот мази ме“, „Робиња сам твоја, убиј ме“ се дел од ваквите стихови...

фото: Инстаграм

Турбофолк, а понекогаш и забавните песни, неретко имаат несоодветни текстови кои промовираат погрешни вредности, па се случува жените да бидат понижувани во стиховите, а дури и да се промовира насилство врз нив од страна на мажите, па и да се романтизира со стихови од типот „Робиња сам твоја, убиј ме.“

Во описот на видеото кое деновиве стана вирално стои:

„Видеото е дел од испитен труд на Факултетот за драмски уметности во Белград, а целта му е да направи преглед на домашните и регионалните (екс-Ју) песни во чии текстови доминираат мотиви на женското понижување како ултимативен доказ на љубовта кон партнерот, односно машкото насилство над жените во семејно-партнерските односи,“ објаснува авторката Ана Нинковиќ во описот на видеото.

Слушнете за каков тип на стихови станува збор:

С. С. | Црнобело