Била силувана двапати, ја присилиле да си замине од Хрватска – Факти за Мира Фурлан

Мира е ќерка на истакнатиот хрватски научник Иван Фурлан, со мајка ѝ често се карала во младоста, а потоа ѝ пишувала писма во кои го изразувала сопственото каење. Кога Мира имала само 16 години, нејзината мајка починала од рак.

Мира во 1978-мата година дипломирала на академијата за театар и филм во Загреб, а потоа се запишала и на катедрата за англиски и француски јазик на Филолошкиот факултет, но никогаш не ги завршила студиите.

Во 1986-тата година го запознала српскиот режисер Горан Гајиќ со кого започнала врска. Со оглед на тоа што живеела на релација Загреб-Белград во почетокот на 90-тите години хрватските медиуми ја обвиниле дека има симпатии кон Србија и ја прогласиле за предавник, а еден од насловите во медиумите гласел „Тешкиот живот на лесната жена“.

Таа се соочувала со голем број предрасуди и заради еврејските корени, но и заради тоа што често одела на психолог. Добила отказ во Народниот театар во Хрватска, а ѝ бил одземен и станот што го наследила од баба ѝ. Секој ден добивала околу 50 закани по животот и на крај во весниците била објавена и нејзината адреса, поради што се чувствувала загрозено.

Во 1991-та година Мира и Горан одлучиле да се преселат во Белград, а потоа и во САД. Прво живееле во Њујорк, каде Мира работела како келнерка, продавачка и преведувач, а нејзиниот сопруг бил доставувач, асистент на монтажа и монтажер.

Во 1993-та година Мира ја добила улогата во серијата Babylon 5 по што таа и Горан успеале повторно да се вратат на филмските кариери и успеале да се преселат во Лос Анџелес.

Мира и Горан се венчале и во 1998-мата година го добиле синот Марко Лав.

За хрватските медиуми Мира првпат по заминувањето во САД, дала интервју во 2008-мата година, односно цели 17 години откако „била прогонета“ од сопствената татковина.

Таа имаше мошне успешна кариера во Холивуд и се појави во повеќе холивудски филмови и серии, како Law and Order: Los Angeles, NCIS, Lost, Twice born, Just add magic…

Б. С. Б. | Црнобело