Кој е Флорист Бајгора, косовскиот заводник што ја освојува публиката со улогата во „Беса“? (фото)

Детали

сабота, 01 јануари 2022

Флорист Бајгора ја освои балканската публика со улогата во серијата „Беса“. Иако е мошне млад (26) досега играл во повеќе филмови, а со улогата во серијата The Gangs of London започнува да ја гради светската кариера. Кој е Флорист Бајгора?

Младиот и талентиран актер од Косово, Флорист Бајгора на балканската јавност ѝ стана познат по улогата на Дритон Бериша во серијата „Besa“, како и по улогата на Јусуф во „Нечиста крв“.

Станува збор за мошне млад и талентиран актер кој ја воодушеви балканската публика.

Флорист Бајгора е роден во Приштина на 18-ти јануари 1995-та година и во моментов има 26 години.

Toj е драмски и филмски актер кој зад себе има повеќе значајни улоги. Освен Флорист, во семејството Бајгора има уште еден актер, a тоа е брат му Анди со кого во 2018-та година играа во филмот Kiem Holijand на холандската режисерка Сара Велтмејер.

Филмот беше прикажан на Берлинскиот филмски фестивал, но се прикажа и на Интернационаллниот фестивал на кратки филмови во Палм Спрингс, САД.

фото: imdb.com

Флорист исто така игра и во ТВ серијата The Gangs of London каде ја толкуваше улогата на Бесимир. Серијата The Gangs of London се снимаше во 2020-та година, а во 2022-та се очекува да почне да се емитува втората сезона.

Флорист говори албански, англиски и француски јазик, но не говори ниту еден друг од словенските јазици, иако за улогата на Јусуф во „Нечиста крв“ говореше на српски.

Креаторот на серијата „Беса“ вели дека било мошне тешко да ги натераат косовските актери да толкуваат улоги на албански криминалци во српски серии:

„Најголемиот предизвик беше што моравме да стекнеме доверба кај актерите од Косово. Моравме да одиме во Приштина за да ги убедиме да играат криминалци во српска серија, што воопшто не беше лесно. Ги добивме моментално трите најголеми ѕвезди во Косово, со Арбен Бајрактарај (Дардан Бериша) на чело, кој игра од почетокот до крајот“ - изјави тој за kurir.rs.

Погледнете повеќе фотографии од Инстаграм профилот на Флорист:

Б. С. Б. | Црнобело