Марина Туцаковиќ ја загуби битката со тешката болест – Почина во 67-мата година од животот

Детали

недела, 19 септември 2021

По подолго боледување и борба со ракот, текстописецот Марина Туцаковиќ ја загуби битката и почина во 67-мата година од животот.

Марина Туцаковиќ, жената која напиша некои од најпознатите хитови од српската музика, што се добро познати и на балканската и македонската публика, почина во 67-мата година од животот.

Како што јавуваат српските медиуми, веста за нејзината смрт ја потврдил и нејзиниот сопруг Александар Радуловиќ Фута.

Инаку, Марина подолго време боледуваше од рак на дојката и во изминативе денови итно беше пренесена во болница поради отежнато дишење.

https://www.instagram.com/p/CDea3lljaGD/?utm_source=ig_web_copy_link

Taa ќе остане запаметена како авторка што напиша поголем број песни за балкански познатите пејачки Цеца, Лепа Брена и Јелена Карлеуша.

Некои од песните што таа ги напишала и по коишто публиката ќе ја помни се: „Додирни ми колена“ од Зана, „Зора је“ на Неда Украден, „Ослони се на мене“ на Оливер Мандиќ, како и „Хајде да се волимо“ на Лепа Брена.

https://www.instagram.com/p/Bx2bsc3ggWF/?utm_source=ig_web_copy_link

Б. С. Б. | Црнобело