Северина на ден пред својот роденден: „49-ко имај на ум дека секоја твоја ‘зла’ претходничка убаво ја испратив“
- Детали
- вторник, 20 април 2021
Среде сите скандали околу разводот и одземеното старателство, Северина продолжува посилна од кога било, подготвена за 49-тата година од нејзиниот живот. „Јас не се откажувам и ниту една година не ми ја одзеде надежта и вербата во доброто“, порачува таа.
Северина утре (21.04) ќе го прослави својот 49-ти роденден, а на ден пред роденденот таа напиша емотивна објава за годината што ѝ претстои.
Нејзината предроденденска објава:
„Драга моја 48-цо, збогум... Утре те менува 49-ката.
Драга моја 49, седни малку, да поразговараме ние две. Те молам немој да те лаже мојата детска разиграност и да помислиш дека лесно ќе ме изиграш. Некои твои ‘зли’ претходнички сепак несебично ми ‘подарија’ многу од сѐ и сешто не баш убаво, кои некои го нарекуваат ‘искуство’.
Така што те молам не ми мавтај со твоите бројки, имај на ум дека секоја твоја ‘зла’ претходничка убаво ја дочекав и испратив, баш како што ќе направам и со тебе, ако има потреба. Но, мора да кажам дека сепак имаше мноооогу повеќе добри години.
Ако бидеш добра, ќе ти бидам најдобра пријателка и ќе ги решам сите твои проблеми, само ти опушти се и со ум ќе ја решиме кризната ситуација... И покрај сите препреки. Ти знаеш која!
Јас не се откажувам и ниту една година не ми ја одзеде надежта и вербата во доброто, иако некои признавам навистина се потрудија. Па, ти советувам да не се обидуваш. Само смеј се секој ден (како на оваа фотографија) и сѐ ќе биде во ред. Добро?
Не се давај 49-та.
Поздрав генерацијо 1972.“
С. С. | Црнобело
Би можело да ве интересира:
Препорачуваме
Најчитани неделава
