Звучи речиси исто како Бора - Моќна изведба на „Pogledaj Dom Svoj Anđele“, со новиот пејач на „Рибља Чорба“ (видео)

Детали

понеделник, 18 ноември 2024

„Звучи речиси идентично како Бора“ – коментираат оние што имаа можност да го проследат настапот на рок групата „Рибља Чорба“ со новиот пејач Горан Јефтиќ. Иако пејачот и композиторот на најголемиот број хитови почина, сепак бендот продолжува со настапи.

Минатата недела групата „Рибља Чорба“ заедно со својот нов пејач Јован Јефтиќ го имаше првиот настап во родниот Чачак на Бора Ѓорѓевиќ, попознат како Бора Чорба, кој почина во септември годинава.

Синоќа (17.11), во белградски Сава Центар, свој концерт имаше групата „Легенде“, а пред белградската публика настапи и групата „Рибља Чорба“ со новиот пејач.

Тие ја изведоа песната Pogledaj Dom Svoj Anđele заедно со хор од 120 гласа, која звучеше моќно, а публиката со громогласен аплауз го поздрави нивниот настап.

Инаку, Јован Јефтиќ е долгогодишен соработник на Бора, кој работел како придружен вокал на рок легендата, а многумина се сложни дека тој има речиси идентичен глас со фронтменот на групата, кој почина во септември годинава.

„Рибља чорба“ и по смртта на Бора ќе продолжи со концерти и настапи, а синоќешниот концерт во Белград разбуди лавина емоции кај сите што имаа можност да го проследат.

Погледнете како звучи новиот пејач на Рибља чорба:

Б. С. Б. | Црнобело