Заради љубов скокнала од мост, Марко Јариќ ја изневерил Лима со неа – Скандалите на Јована Ѓорѓевиќ Швоња

Детали

недела, 13 октомври 2024

Отворено признава дека се кае за естетските операции, а нејзиниот живот е проследен со низа скандали: скок од мост, оштетување на кожата, загрозување на безбедноста на своите деца. Која е Србинката Јована Ѓорѓевиќ Швоња и што знаеме за неа?

Српската манекенка Јована Ѓорѓевиќ Швоња (33) често ја нарекуваат „една од најубавите сопруги на фудбалери“, но иако живее живот на висока нога, често во српските медиуми е застапена со скандалите и несреќите што се чини дека постојано ја следат.

Во продолжение повеќе детали за скандалозниот живот на српската манекенка:

Јована на 18 години победила на Miss Fashion TV, па тогаш ја започнала соработката со голем број модни агенции.

Таа во една пригода раскажа дека татко ѝ не сакал таа да биде манекенка, но тоа не ја спречило да работи со голем број светски познати агенции, да игра во спотот на Саша Ковачевиќ за песната „Како после нас“ и да работи како водителка на телевизијата „Пинк“.

За Јована имаше гласини дека во 2010-та година по расправија со поранешното момче Славко Мољац се обидела да си го одземе животот, скокајќи од мост во Нови Сад. Таа прво ги демантираше гласините, а потоа призна:

„Си помислив дека немам друг излез. Згрешив, а за тоа станав свесна дури откако се најдов во вода“ – рече таа и призна дека згрешила откако раскинала со дечкото кој исто така е познат српски модел.

Само две години подоцна за време на снимање на спот паднала во вода со температура од 90˚ Целзиусови, заради што имала голем број изгореници и останала без коса. За среќа брат ѝ брзо реагирал, па по 3 недели поминати во болница, таа успеала брзо да закрепне.

Во српските таблоиди имаше гласини дека кошаркарот Марко Јариќ ја изневерил Адријана Лима со Јована. Тие двајца се запознале во клуб во Мајами и им се препуштиле на страстите.

Продолжува на следната страница...