Избегнат судир на бродови на Лефкада - Деца врескаат од страв, патниците потресени (видео)
- Детали
- петок, 09 август 2024
Деца кои врескаат од страв, загрижени патници – Ова е сликата што може да се види на видеото од туристичкото бротче Nidri Star 1, од моментот кога во секунда избегнале судир во водите на Јонското Море.
За влакно беше избегната голема трагедија во Јонското Море, во Грција, кога крузер и туристички брод дојдоа премногу блиску еден до друг и за малку ќе се судреа.
На социјалните мрежи се објавени видеа од патниците на двата брода, кои буквално преживеале големи трауми во тој миг.
Еден патник од туристичкото бротче појасни што се случувало за грчките медиуми:
„Иако ние имавме предност, капетанот на крузерот не сакаше да го промени правецот на движење, а нашиот капетан, наместо да го промени правецот или да ја намали брзината, продолжи да се движи напред како ништо да не се случува.
Пренесуваше стотици луѓе во бротчето, а се однесуваше премногу себично. Само за неколку секунди успеавме да избегнеме трагедија“.
Во грчките медиуми се објавени видео снимки од туристите кои биле присутни во туристичкото бротче, а во заднина може да се слушнат децата кои врескаат и возрасните кои уплашено се подготвуваат за најлошото, а потоа и ракоплескање и поздрави, кога успеале да ја избегнат трагедијата.
Инаку, туристичкото бротче Nidri Star 1 нуди дневни тури низ островите Лефкада, Кефалонија и Итака.
Во моментот кога за малку ќе се случела трагедијата, во туристичкиот брод имало околу 480 патници.
Б. С. Б. | Црнобело
Би можело да ве интересира:
Препорачуваме
Најчитани неделава
