Влезе како резерва и победи: Кој е Бејби Лазања, хрватскиот претставник на Евросонг?

Пред да почне да пее, Марко бил гитарист на хрватскиот рок-бенд „Мантра“.

Со нив се натпреварувал на „Дора“ во 2019 година и го освоиле четвртото место со песната In The Shadows.

Од бендот си заминал во 2022, кога ја почнал својата соло кариера.

Првиот сингл, IG Boi, го објавил во 2023-та, под псевдонимот Бејби Лазања.

Потоа промовираше уште една песна, Don't Hate Yourself, But Don't Love Yourself Too Much.

Тој е коавтор на неколку песни на албумот на германскиот рок-бенд Mono Inc, Ravenblack, кој се најде на листата најпродавани германски албуми минатата година.

Младиот музичар во интервју пред „Дора“ откри и дека веќе ги снимил сите песни за својот прв албум, но дека не знае кога ќе го објави.

„Ако отидам на Евровизија, можеби ќе запознаам луѓе кои ќе ми помогнат.

Но, знам дека оваа прашина нема да трае долго, па се надевам дека ќе ми останат барем 30 фанови кои во иднина ќе кликнат на моето следно видео“.

Погледнете го настапот на Бејби Лазања и песната со која ќе ја претставува Хрватска на Евросонг во Шведска:

А. Ј. | Црнобело