Во брак е со арапски бизнисмен, има 6 компании: Факти за Јелена Бин Драи, поранешната Мис на Југославија

Детали

недела, 18 февруари 2024

Во 1998 година, кога беше прогласена за Мис на Југославија, Јелена победи и во уште две категории на натпреварот за убавина. Денес е во брак со богат арапски бизнисмен, но и самата е доста успешна и води дури шест компании.

Животната приказна на Јелена Јаковлевиќ Бин Драи звучи како модерна бајка. Убавата манекенка, модна дизајнерка и поранешна Мис на Југославија, во 2008 година се омажи за богатиот арапски бизнисмен Саид Бин Драи.

Иако живее во луксуз, Јелена и самата е успешен бизнисмен и води шест компании, а е грижлива сопруга и мајка на четири деца.

https://www.instagram.com/p/CEe-vCxnvN1/

Денес има сè што посакува, но нејзините почетоци не биле ни малку лесни.

Родена е на 16 мај 1979 година во Шабај, недалеку од Нови Сад, а се прослави кога во 1998 година беше прогласена за Мис на Југославија.

https://www.instagram.com/p/CCjaG39nabG/

Таа е единствената која успеа да освои три титули на едно натпреварување и влезе во историјата освојувајќи три од пет титули на еден натпревар за убавина.

Јелена не крие дека нејзиниот пат до успехот не бил послан со рози. Имено, во една пригода на Инстаграм сподели дека во тоа време нејзиното семејство било многу сиромашно, а на натпреварот кој ѝ донесе најголем успех во кариерата во публиката бил само татко ѝ бидејќи не можеле да си дозволат да платат влез за мајка ѝ и брат ѝ.

https://www.instagram.com/p/B8O7w0pnxXc/

„Септември 1998 година, се сеќавам како да беше вчера. Само татко ми беше таму кога бев на сцената. Мајка ми и брат ми мораа да останат во фоајето на хотелот, пред вратата на ходникот.

Во тој момент на сметката имавме само 100 германски марки, што беше доволно за само еден билет“, напиша Јелена.

Овој натпревар ѝ го отвори патот кон успехот, па Јелена потоа соработувала со бројни агенции, а исто така многу патувала и извесен период живеела во Италија.

Во 2001 година заминала во Дубаи како еден од првите супермодели од регионот и во тој момент не ни сонувала дека токму тука ќе ја пронајде љубовта на својот живот.

https://www.instagram.com/p/BxpZmH0nO4n/

Продолжува на следната страница...