Од таксист, до „крал на бакарот“ – Како Милан Поповиќ ги заработил милионите?

Детали

недела, 28 јануари 2024

Израснал со татко му на мала фарма. Додека работел како такси возач во Швајцарија му се насмевнала среќата. Како Милан Поповиќ ги заработил милионите?

Милан Поповиќ на македонската и на балканската јавност ѝ е познат како поранешен партнер на Северина со кого таа го доби синот Александар и со кого со години води судска битка за старателство.

Тој важи за мошне приватна личност, која се труди што е можно помалку да зборува за сопствениот живот, но сепак во српските медиуми досега повеќепати биле објавувани информации за него.

Што знаеме за Милан Поповиќ и како од сиромашно момче, успеал да стане еден од најбогатите луѓе во Србија и да го добие прекарот „крал на бакарот“?

Во продолжение, факти за поранешниот партнер на Северина, Милан Поповиќ:

Во една пригода Милан откри дека бил роден во Вршац и дека со татко му живеел на мала фарма.

„Немавме многу. Бевме сиромашни, како и повеќето луѓе. Сврзувавме крај со крај“.

Откако завршил електротехничка школа во Србија, тој заминал на студии по бизнис во Швајцарија. Според изјави на негови блиски, таму работел како такси возач за да може да се издржува.

Во тој период се спријателил и со еден брокер за метали од компанијата „MRK“.

Додека се дружеле, Милан ја користел секоја можност за да му уфрли некоја своја бизнис идеја, а неговиот пријател брзо сфатил дека тој поседува високи интелектуални капацитети, па му договорил интервју за работа во компанијата каде што работел.

Среќна околност било тоа што во тој период Москва се отворала како пазар, па странските компании вработувале Срби, затоа што многу брзо го совладувале рускиот јазик.

Така, Милан добил вработување во компанијата и почнал директно да соработува со Игор Алтушкин, руски трговец со метали.

Набрзо Милан сфатил колкав потенцијал поседува, па дал отказ во компанијата каде што работел и основал своја фирма која директно соработувала со огромната компанија на Алтушкин.

„Се зборува дека татко ми е генерал. Тоа не е точно. Тој не беше бизнисмен кој соработуваше со Русија. Јас своите бизнис и имот ги заработив со своите труд и снаодливост.

Никому не сум должен за тоа, но тоа се животни лекции што ми помогнаа. Немав што да изгубам. Одев со целото срце кон целта“ – вели Милан.

Тој во една пригода откри дека стравот од немаштијата можеби бил клучен за да остане посветен на целта и да не се предава, а самиот тврди дека никогаш не се занимавал со криминал и нечесна работа.

Продолжува на следната страница...