Лепа Брена за CRNOBELO: „Идејата за свои хулахопки ја имам од 1977, штета е да не го искористам своето име по примерот на светските ѕвезди“
- Детали
- четврток, 16 ноември 2023
„Сите светски ѕвезди откако ќе изградат кариера, почнуваат свој бизнис. Штета ќе беше да не го искористам своето име и она што значи Лепа Брена кај нас. И да, точно е дека Ива, ќерката на првата сопруга на Боба, работи со нас, секој е добредојден во нашата компанија, особено ако му припаѓа на семејството“, рече Лепа Брена за CRNOBELO.com.
Српската ѕвезда Лепа Брена денес (16.11) е во Скопје, но не за да најави концерт или албум, туку да го промовира својот бренд за хулахопки, Lady B.
Овие хулахопки ги рекламираше самата Брена, па можеби токму тоа е тајната на успехот, поради што многу девојки и жени ги носат и ги купуваат постојано.
Во краток разговор за CRNOBELO.com, ѕвездата ни откри дека иако повеќе од 40 години гради музичка кариера, исто толку долго размислува и за свој бренд хулахопки, кои нема да се кинат кога е на сцената, но кои ќе може освен неа, да ги носи секоја жена и да биде среќна и задоволна со својот избор.
„Мојата желба да направам бренд со хулахопки постои уште од 1977 година“, ни откри таа.
Дали беше полесно да се изгради музичка кариера или да се промовира нов бренд кој треба да им парира на регионалните, па и светски модни брендови?
Мојата желба беше да направам нешто за убавината на жената и да се занимавам со претприемништво, зашто карактерот ми е таков. Јас навистина ја сакам Лепа Брена и го прифатив тој предизвик што сè треба да направи Лепа Брена.
Мора да признаам дека семејниот живот ми помогна многу во тоа, бидејќи во моето семејство владее голем баланс, па можете да бидете силна личност, популарни, а зад затворени врати да имате мирен и нормален живот.
Јас и Боба не можеме да сме поинакви, па и зад затворени врати ние сме добар брачен пар, во хармоничен брак, кој често размислува за сите бизнис предизвици.
Мислам дека ќе беше голема штета да не го промовирав својот бренд, бидејќи сите светски ѕвезди го прават тоа. Кога ќе направат бренд од своето име, почнуваат да се занимаваат со нов бизнис – козметика, облека, долна облека.
Oвој светски тренд го прифативме Боба и јас, па конечно успеав да си ја исполнам желбата за производство на хулахопки.
Две години работевме сериозно за да стигнеме до ова што го имаме денес – квалитетни хулахопки кои ниеден прстен или нокот не ги искинале на настап.
Среќна сум што Боба прифати да се занимава со организацијата на оваа работа, бидејќи тој се занима со автомобилската индустрија, со градежништво, направи и свое специјално вино во соработка со компанија од Словенија, а сега ми помага и мене, во оваа некоја женска работа, и ми е најголема поддршка.
Не е тајна дека сте во добри односи со првата сопруга на Боба, Зорица, но многумина не знаат дека нејзината ќерка од вториот брак, Ива, работи со вас на вашиот бренд. Како изгледа вашата соработка?
Кој е вреден и кој работи, добредојден е кај нас. Особено некој што му припаѓа на нашето семејство.
©CRNOBELO.com Забрането преземање и копирање. Крадењето на авторски текстови е казниво со закон.
А. Ј. | Црнобело / Фото: А. О
Би можело да ве интересира:
Препорачуваме
Најчитани неделава
