Сезоната во Грција трае и во октомври - Температурата на морето е околу 25 степени, туристите се капат и сончаат како среде лето (видео)

Детали

понеделник, 09 октомври 2023

Деновиве туристите од регионот објавуваат фотки и видеа на неколку групи на Фејсбук и споделуваат свои искуства за тоа како изгледа нивното „летување во октомври 2023“.

Топлото време ја продолжи „летната сезона“ во Грција, а на Халкидики и понатаму има туристи кои се сончаат и пливаат во морето.

Фото: Фејсбук Live From Greece

Тие велат дека иако утрата и вечерите се постудени, водата и понатаму е топла и пријатна за бањање, но времето е идеално и за излежување на плажа.

Видео снимено во Катерини:

Деновиве, туристите од регионот објавуваат фотки и видеа на неколку групи на Фејсбук и споделуваат свои искуства за тоа како изгледа нивното „летување во октомври“.

„Времето е топло, а овој октомври температурата на морето е 25-26 степени. Вака е и на Касандра и на Ситонија – топло е, сончево, повремено има облаци, но нема дожд.

Температурата на воздухот, пак, последниве денови е помеѓу 22 и 28 степени“, пишува на една објава во групата „Грчка инфо“.

Видео снимено во Калитеа:

Освен на трите краци на Халкидики, туристи има и во Неа Каликратија, Аспровалта, Лептокарија, но и на островите – Лефкада, Тасос, Закинтос, каде што сезоната и понатаму трае.

Видео снимено во Паралија:

А. Ј. | Црнобело