Северина ги убедува родителите на другарите на синот да ги пуштат децата кај неа на концерт (видео)

Детали

понеделник, 14 август 2023

„Не знам што ми е поубаво, идејата на Александар да ги земе другарчињата на концерт или трудот на мајката за да му ја исполни желбата“, „Севе ме расплака“, „Се стопив додека го гледав видеото“, коментираат на Инстаграм, а Севе успеа да го усреќи синот - сите негови другарчиња се појавија на нејзиниот концерт.

Хрватската ѕвезда Северина одржа концерт во Блато, место на Корчула, а на концертот ги одведе и другарите на нејзиниот син Александар.

Таа објави видео на Инстаграм како оди од врата на врата и ги убедува родителите на другарите на синот дека треба да ги пуштат децата на нејзиниот концерт, бидејќи Александар имал желба сите негови другари да дојдат и да ја гледаат мајка му додека пее.

„Мамо, можеш ли да ги убедиш родителите на моите пријатели да одиме од Врдник во Блато на твојот концерт?

Па, каква мајка би била, сине, ако не ти ја исполнам желбата...“, пишува Северина на Инстаграм.

Пејачката заедно со својот син оди до куќите на неговите другари, оние што не ги наоѓа ги бара на плажа и низ гратчето, па иако не ги познава, најљубезно ги моли да ги пуштат децата на концертот.

Таа им кажува дека организирала превоз на сите, дека со децата ќе има возрасни кои ќе ги чуваат и дека сите заедно ќе стојат пред бината, одвоени од публиката.

Потегот на Северина предизвика вистинско воодушевување во регионот, па нејзините следбеници велат дека таа е „мајка за 10-ка“.

„Не знам што ми е поубаво, неговата идеја да ги земе другарчињата на концерт или трудот на мајката за да му ја исполни желбата“, „Севе е мајка кралица, ме расплака“, „Се стопив додека го гледав видеото“, пишуваат во коментарите.

Но има и такви кои се шегуваа на сметка на своите родители, па велат:

„Татко ми би рекол: И папата да дојде, ако сум рекол не може – значи не може“, „Мајка ми би одговорила: Нема мене Севе да ми кажува што може, што не може“.

Северина во видеото покажа и како децата стигнаат на концертот, а потоа, пред да ја испее песната „Rodjeno moje“, посветена на синот, таа ги поздрави и кажа дека сите другарчиња на Александар се дојдени на концертот.

Погледнете го видеото како Северина ги убедува родителите да ги пуштат своите деца на концертот и да се дружат со Александар:

https://www.instagram.com/reel/Cv47ZU9LZio/

А. Ј. | Црнобело