Драган Спасов Дац за CRNOBELO лексикон: „Во години сум кога и јас можам да бидам нечиј идол“

Детали

петок, 06 септември 2024

„Во младоста не бев по тепањето, но знаев да се одбранам ако некој ме нападнеше, никогаш не останував покусо. A, најдобро потрошени пари ми се во кафеана“ - Драган Спасов Дац се потпиша во лексиконот на CRNOBELO.com. 

Драган Спасов Дац открива дека бил многу палаво дете, иако никогаш не правел големи бељи.

Не обожавал училиште, но отсекогаш сакал да биде тоа што е сега, само по обратен редослед - прво пејач, па глумец. 

Признава дека омилено место му е домот полн со љубов и дека не се плаши од ништо. 

За детството, слободното време, омилените песни и многу други работи, прочитајте што одговори Дац во нашиот лексикон... 

1. Како се викаш и дали имаш прекар?

Драган Спасов Дац.

2. Колку години имаш и што си во хороскоп? 

Имам 175 години, Овен сум во хороскоп и роден сум на 20 април 1963 година.

3. Која ти е омилена песна? А пејач и пејачка?

Како фан на „Бјело Дугме“ би рекол некоја од нив, но како изведувач би рекол „Срце на робија“ од Дац и Александар.

Омилена пејачка ми е Биљана Ѓошева поради нејзиниот глас, стас и однесувањето на сцената.

4. А омилена книга?

„Бескрајна приказна", во која се спасува фантазијата која во последно време им фали на децата.

5. Омилен глумец, глумица, филм, серија?

Марлон Брандо и филмот „Кум".

6. Имаш ли омилен спорт, клуб, спортист? За кого навиваш?

Скаран сум со спортот.

7. Имаш ли милениче? Како се вика?

Имам куче Бигл кое е старо 4 години и се вика Танго.

8. Кој ти е среќен број?

134.

9. Што сакаше да бидеш кога ќе пораснеш?

Ова што сум сега, но по обратен распоред. Прво сакав да бидам пејач, а потоа глумец.

10. Кој ти е омилениот пијалак? А храна?

Не пребирам, пијам и јадам сè.

11. Кој ти е најдобар другар/ка? Колку долго се дружите?

Еден од најстарите другари со кого сè уште контактирам е Ѕвонко Штркот. Со него се знам од второ одделение.

12. Каков ученик беше? Кој ти беше омилен предмет?

Немав омилени предмети и не сакав училиште.

Продолжува на следната страница...