Охриѓанката Маринела Кошаркоска е тату-артист во Чикаго: „Од дете цртав уметнички дела и икони, сега тетовирам“
- Детали
- четврток, 08 февруари 2024
„Талентот за цртање го носам во гените од мала. На училиште постојано цртав за различни конкурси, а делата беа наградувани. Пред да ја направам првата тетоважа на човек, вежбав на вештачка кожа, сè до моментот додека не се почувствував подготвено да изработам портрет на татко од неговиот син“, вели охриѓанката Маринела, која работи како тату-артист во САД.
Маринела Кошаркоска од Охрид, живее во Чикаго, каде што повеќе од 5 години работи како тату-артист. Она што во детството била љубов кон цртањето уметнички слики, графички дизајни и икони, подоцна се претворило во поинаков тип на уметност - тетовирање.
Сето ова почнало откако Маринела се преселила во САД, па сега гради успешна кариера во познатото студио Venture Tattoo во Чикаго.
За своите искуства, таа раскажа во интервју за CRNOBELO.com:
Колку долго работиш како тату-артист, од каде желбата за оваа професија?
Како тату-артист работам пет и пол години. Талентот и желбата за цртање ги имам уште од најрани години.
Цртав портрети, уметнички слики во разни техники, икони, изработував графички дизајни, но, секако, најмногу се пронајдов во оваа професија.
Дали тетовираше и пред да се преселиш во Чикаго?
Не, можноста да започнам со тетовирање ја имав првпат овде.
Претходно истражував различни техники, посветено работев на портрети, на уметнички слики на платно и на икони.
Колку е тешко да се пробиеш, но и да се позиционираш на американскиот пазар, бидејќи верувам дека конкуренцијата е многу голема?
Америка е земја каде што можеш да го истакнеш и искористиш талентот.
Точно, конкуренцијата е голема, но кога работиш одговорно, посветено, вредно и со голема љубов кон професијата, успехот е неизбежен.
Имаш ли свој салон за тетовирање или работиш некаде?
Работам во студиото Venture Tattoo.
Сопственикот на студиото го виде мојот талент на Chicago Tattoo Convention, каде го освоив првото место и така започна нашето пријателство и заедничка соработка.
Тој е многу задоволен од мојата работа и постојано ме охрабрува и ми дава поддршка.
Како научи да црташ? И колку време вежбаше пред да ја направиш првата тетоважа на човек? На што тренираше?
Талентот за цртање го носам во гените од мала.
На училиште постојано цртав за различни конкурси и теми, делата кои ги испраќав беа наградувани.
Пред да ја направам првата тетоважа на човек, вежбав на вештачка кожа, сè до моментот додека не се почувствував подготвено да изработам портрет на татко од неговиот син.
Тој беше многу среќен и задоволен.
Оваа тетоважа беше услов и да бидам примена на работа, што за мене претставуваше голем успех.
Колку тетоважи имаш на телото? Дали некоја од нив си ја направила сама?
Имам пет тетоважи. Сè уште не сум направила тетоважа самата на себе.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_106513_400.jpg)
![](https://www.crnobelo.com/media/com_jvrelatives/images/thumbs/com_content_106269_400.jpg)
![](https://www.crnobelo.com/media/com_jvrelatives/images/thumbs/com_content_105552_400.jpg)
![](https://www.crnobelo.com/media/com_jvrelatives/images/thumbs/com_content_106868_400.jpg)
![](https://www.crnobelo.com/media/com_jvrelatives/images/thumbs/com_content_108727_400.jpg)
![](https://www.crnobelo.com/media/com_jvrelatives/images/thumbs/com_content_104760_400.jpg)