Андреа од Скопје, живее во Дубаи 12 години: „Работам како фитнес тренер, имам свој дом тука и прекрасно семејство“

Што оттаму би си посакалe во Македонија?

Не би било фер да кажам што би сакала оттука да биде во Македонија. Верувам дека секоја земја и менталитетот на луѓето е заради околината и начинот на живот што таа земја има да го понуди.

Миксот на луѓе од целиот свет и економската состојба тука придонесува за искуство што лично мене ми се допаѓа и гордо го нарекувам Дубаи мој дом.

Одиш ли во пустината? Кој ти е најдобар начин за забава?

Сум била неколку пати, но плажите се мојот префериран начин на релаксација и забава.

Има ли разлика во цените во туристичките места и местата на локалците?

Местата каде што ние како жители одиме се истите места кај што се движат и локалците. Некои од тие локации се интересни и за туристите, така што цените се речиси исти насекаде.

Какво темпо на живот водат локалците?

Релаксиран и скап живот.

Имаат ли интересни навики во секојдневието?

Мислам дека има доста стереотипи дека тука живееме како да сме на одмор цела година, иако тоа не е случајот воопшто. Животот е многу брз, деновите се прекратки.

За викенд сите имаме навика да одиме по ресторани на убави локации, на плажи во хотели или јавни плажи, шопинг по огромните трговски центри…

Каков е јавниот превоз?

Јавниот превоз е одлично организиран и лесно пристапен за секого.

Спомена дека стандардот е висок, долови ни какви се цените таму?

Цените се високи во супермаркет, ресторан, кафуле … И буквално на сè друго. На пример кафе е 6 евра, пиво 10 евра.

Продолжува на следната страна...