Софија Јанева по посетата на Њујорк: „10-те работи кои ме воодушевија во овој град и 2-те кои ме разочараа“
- Детали
- четврток, 29 јуни 2023
„Додека шетав низ улиците на Менхетен, енергијата на градот ме освои, го посетивме и Бруклин бриџ, едно од најфотографираните места, поради што е задолжителна туристичка дестинација. Малку ме нервираше само фактот дека за одредени атракции во Њујорк се чека ред долго време и има многу бездомници“, раскажува Софија Јанева за CRNOBELO.com.
Софија Јанева (29) од Скопје e девојка која обожава да патува, фотографира и ужива во животот.
Таа е дипломиран економист и за неа маркетингот отсекогаш бил огромна пасија во животот, а во моментов раководи со маркетинг агенцијата „Niko Media“, а воедно е и фриленсер и блогер.
Вели дека патувала многу уште од најрана возраст со нејзините родители, од кои ја наследила љубовта кон патувањата, авантуристичкиот дух и желбата за истражување нови дестинации.
Забележала дека многу луѓе се интересираат за нејзините патувања и авантури, па одлучила да ги сподели со светот и така се родил нејзиниот блог.
Последна авантура која ја споделува со нејзините следбеници е посетата на Њујорк, САД.
Во разговор за CRNOBELO.com таа ги споделува своите впечатоци од Њујорк:
Архитектурата во Менхетн
Најголем впечаток ми остави архитектурата во Менхетн и познатите знаменитости што го дефинираат хоризонтот на Њујорк. Емпајер Стејт Билдинг стоеше високо и величествено, а нејзиниот шпиц навидум го пробиваше небото.
Гледајќи во ова архитектонско чудо, бев обземенa од чувство на возбуда бидејќи конечно со мои очи ја гледам оваа знаменитост (посебно после толку пати гледајќи ја на филмови и ТВ серии).
Статуата на слободата, со високо кренатиот факел, ја симболизира суштината на слободата и запали пламен во моето срце. Овие знаменитости, полни со историја и симболика, навистина ми го одземаа здивот.
Енергијата на градот
Додека шетав низ улиците на Менхетен, енергијата на градот ме обзема. Луѓето брзаа покрај мене, секој со своја приказна и цел.
Звуците на гласни автомобили, улични музичари и џагор ми ги исполнија ушите, а мирисите на храна од целиот свет се ширеа низ воздухот.
Во тој момент знаев дека се заљубив во енергијата на овој град.
Прошетките низ Централ парк
Исто така, уживав во прошетките низ Централ парк, зелена оаза во урбаната џунгла на Њујорк.
Огромно зелено пространство, со живописни езерца, цвеќиња и патеки, обезбедува многу неопходен одмор од градската гужва и врева.
Зачудувачки е да се види ваков огромен парк (што е поголем од Монако) сместен во срцето на раздвижената метропола.
Мостот Бруклин бриџ
Го посетивме и Бруклин и Бруклин бриџ, едно од најфотографираните места, поради што е задолжителна туристичка дестинација.
Овој мост (Brooklyn Bridge) е една од најфреквентните локации, го минуваат над 100,000 возила, 4.000 пешаци и над 2.600 велосипеди, а тоа добро се гледа на фотографиите.
Новата опсерваторија Самит Вандербилт
Посебно ме воодушеви посетата на новата опсерваторија Самит Вандербилт од која има најубав поглед кон Емпајр стате, Крајслер билдинг и Централ парк.
Овој облакодер е висок 427m, што го прави четвртата највисока зграда во САД и највисоката деловна зграда во Менхетен.
Самит е повеќе од само убава зграда. Најимпресивниот дел е rooftop терасата, која го има најубавиот поглед кон Менхетн.
Уличната храна
Додека се шетав низ живописните улици, моите сетила беа мамени од мирисливите ароми што се шират низ воздухот.
Имено незамисливо е да се посети Њујорк, а да не се изеде парче пица или хот дог од уличен продавач. Брзата храна е дел од културата на овој град, а тоа се забележува по фактот дека улични продавачи на храна има на секој ќош.
Продолжува на следната страница...
Би можело да ве интересира:
Препорачуваме
Најчитани неделава
